(A)ndreas Dei gracia Hungarie, Dalmacie, Croacie, Rame, Scruie, Gallicie, Lodomerie, Cumanie, Bulgarieque Rex omnibus Christi fidelibus presentes litteras inspecturis salutem in omnium saluatore. Ad uniuersorum noticiam tenore presencium uolumus peruenire, quod consideratis fidelitatibus et seruiciorum meritis Comitis Jacobi filii Vinci ciuis Posbniensis fidelis nostri, que nobis post adepta gubernacula nostri regiminis exhibuit et impendit, quandam terram castri nostri Posoniensis Plumo uocatam, vacuam et habitatoribus destitutam per dominum Regem Ladizlaum fratrem nostrum patruelem ei mediante suo priuilegio collatam, et per ipsum Jacobum usque modo possessam, ipsi Jacobo et per eum suis heredibus heredumque suorum successoribus dedimus, donauimus et contulimus iure perpetuo pacifice possidendam sine preiudicio iuris alieni, secundum quod per dominum Regem Ladizlaum fratrem nostrum patruelem ipsi Comiti Jacobo donata dinoscitur et collata. In cuius rei memoriam et perpetuam firmitatem presentes concessimus litteras duplicis sigilli nostri munimine roboratas. Datum per manus discreti viri magistri Theodori Albensis Ecclesie Prepositi aule nostre Vice-Cancellarii, dilecti et fidelis nostri, anno Domini Mş CCş nonagesimo primo V. kalendas Novembris, Regni autem nostri anno II-o.

(Eredetie Pozsony város levéltárában.)