Nos Lodomerius miseracione Divina Archiepiscopus Strigoniensis, locique ejusdem Comes perpetuus, significamus universis presencium noticiam habituris, quod nos interveniente auctoritate et consensu domini Regis Johannem filium Mauricij, Bodou filium Michaelis, Jacobum filium Pauli, et alterum Joannem de Karcha, cum omnibus terris et possessionibus universis, habito consilio fratrum nostrorum capitularium Sancte Strigoniensis Ecclesie, in numerum et collegium nobilium jobagionum nostrorum Archiepiscopalium duximus duximus (így) aggregandos, volentes et autoritate presencium declarantes, ut nec pensum, nec terragium, nec collectam Regiam vel aliquam exaccionem ullo unquam tempore tam ipsi, quam eorum posteri nobis vel nostris successoribus dare et solvere teneantur, sed illa libertatis prerogativa gaudeant, qua alii jobagiones nostri Archiepiscopales gaudent, et fruuntur. Nec hoc pretermittimus, quod nullius judicis judicio adstare teneantur, nisi nostro judicio, vel Palatini Curie nostre pro tempore constituti. In cuius rei memoriam et perpetuam firmitatem presentes dari fecimus litteras sigilli nostri authentici munimine roboratas. Datum Posonii anno Domini M. CC. XCI. in festo Nativitatis Beate Virginis Marie.

(János esztergami érseknek 1394. évi átíratából, mely Bácsfalvay János úrnak tulajdona. Nagy Iván.)