A. B. C.
Uniuersis presentes litteras inspecturis Capitulum Ecclesie Strigoniensis salutem in Domino sempiternam. Vniuersorum noticie tenore presencium significamus, viros venerabiles et discretos, dominos et magistros Paulum videlicet Prepositum Strigoniensem, Legum Doctorem et Amministratorem Quinqueecclesiensem in spiritualibus et temporalibus generalem, Jacobum Cumarumiensem, et Ladizlaum Borsiensem, et Andream ac Laurencium, karissimos socios et concanonicos nostros in medio nostri personaliter constitutos, Andream nobilem de Ayka Palatinum Curie venerabilis patris, domini nostri domini Lodomerij Strigoniensis Archiepiscopi, Mychaelem de Menchel magistrum paniferorum, Comitem Stephanum filium Fulkus, Lukach Paruum, magistrum Cephas, Comitem Ladizlaum filium Sukod, Zoerardum de calidis aquis, Albertum ciuem Strigoniensem, seruientes eiusdem domini nostri Archiepiscopi, nuper de exercitu Regio de Theotonia reuertentes proposuisse hec omnia et singula infrascripta oraculo viue uocis: Quod cum ipsi nuperrime vnacum eodem domino nostro Archiepiscopo Strigoniensi et Comite perpetuo loci eiusdem in exercitu Illustris Principis domini Andree tercij, Incliti Regis Hungarie per Dei graciam nunc regnantis, contra dominum Albertum Ducem Austrie et exercitum eius proficiscerentur suis proprijs in personis, circa Ecclesiam Sancti Georgij constitutam in metis sine terminis Hungarie et Austrie regionum, feria quarta proxima post festum Beate Virginis Margarethe hoc anno instanti, strenuus miles Johannes filius Petri nobilis iobagio Castri Posoniensis, eorumdem sociorum et concanonicorum nostrorum, et aliorum hominum ad presenciam accedens, propria in persona, discretis viris, magistris Dominico Preposito Posoniensi karissimo in Domino socio et fratre nostro ibi eciam constituto, taliter protestatus publice extiterit et confessus: quod cum ipse Johannes heredis solacio destitutus in agmine eiusdem domini nostri Regis eidem domino Regi et Regno suo contra ipsum Ducem Austrie et Theotonicos suos Australes pro viribus et pro posse, quantum Deus permittet, seruire fideliter intendat cum effusione sui sanguinis dimicando, consideretque, vt belli dubius sit euentus, et nichil sit cercius morte et incercius hora mortis, et melius existat tempus preuenire, quam a tempore preueniri, maxime in facto talis discriminis generalis, ipse Johannes, seu ab eodem bello euadat, siue ei humaniter in eodem euenire contingat, quandam possessionem, villam, seu terram suam Thurnie uocatam inter Tyrnam et Posonium existentem, plenitudinis sue sub antiquis terminis, siue metis, quibus a tempore, cuius non extat memoria, ab olim extitit limitata, habita, et possessa eidem Ecclesie Sancti Saluatoris de Posonio, cuius progenitores et antecessores eius sunt veri patroni, pro remedio et refrigerio anime sue et parentum ac aliorum carorum et cognatorum suorum reliquerit et donauerit, ac contulerit pro obtinendo salutis brauio intuitu eternorum in elemosinam sempiternam, in eiusdem Ecclesie cymiterio inter caros suos ex voto se optans tradi ecclesiastice sepulture, in quo eius parentes et consanguinei requiescunt, eiusdem Posoniensis Ecclesie ob reuerenciam specialem, et amplioris devocionis in signum, assumpmens lilieraliter et libenter, si ipsum Johannem de eodem discrimine sanum et incolumem redire contingat, eum Celi Domino reducente, populos et incolas dicte terre dispersos, super faciem eiusdem terre ad propria reuocandos, et usque ad vite sue tempora tantummodo possidendos; post mortem autem suam eidem Ecclesie Sancti Saluatoris et in eadem Deo famulantibus pro tempore, Preposito scilicet et Capitulo, vna cum suis terris et vtilitatibus alijs omnibus, iure et potestate perpetui et irreuocabilis dominij deuoluendos, et pacifice ac plenarie relinquendos. In cuius rey perpetuam firmitatem et memoriam sempiternam ad relacionem eorumdem dominorum et sociorum ac (fratrum nost)rorum necnon aliorum hominum predictorum presentes literas sigilli nostri appensione et munimine dedimus communitas. Datum per manus discreti viri magistri Cypriani Ecclesie - - - - Domini Mş CCş nonagesimo primo, tercio Nonas Septembris.
(Hártya. A pecsétnek csak kéksárga zsinórja van meg. Pozsonykáptalani magánlevéltár Capsa C Fasc. 4. Nro. 34. Rövid kivonatban Fejérnél Cod. Dipl. VI. I. 189. Knauz.)