A. B. C. D.

Vniuersis Christi fidelibus presentes litteras inspecturis Capitulum Ecclesie Posoniensis salutem in Domino. Ad uniuersorum noticiam tenore presencium uolumus peruenire, quod nobilis uir Comes Petrus filiua Comitis Tyburcij, coram nobis personaliter constitutus, confessus est oraculo viue uocis, quod ipse attendens reducensque ad memoriam fidelitatum et obsequiorum opera, ac diuersarum aduersitatum articulos, que uel quos Georgius filius Laurencij, seruiens suus, pro ipsius Comitis Petri persona sustinuit et impendit, suam suorumque filiorum personas pro ipso Comite Petro mortis articulis exponendo, maxime et specialius in eo, quod cum idem Comes Petrus in captiuitate Cosme filij Comitis Cosme existeret et liberacionis iuuamine plurimum indigeret, predictus Georgius captiuitati domini sui condolens uisceribus caritatis, duos filios suos, Juhannem videlicet et Petrum pro obsidibus posuerit pro eodem domino suo Petro Comite antedicto, quorum vnus, scilicet Petrus postmodum, eodem Comite Petro de vinculis liberato, eodem paruulos a detencione obsiduum (így) redimere non curante, per ipsum Cosmam mutilacionem excepit vnius digiti, alter uero, videlicet Johannes, similiter per eunden Cosmam uitam finiuerit capite detruncato; volens igitur idem Comes Petrus decapitacionem et mutilacionem filiorum prefati Georgij recompensacione et satisfaccione aliqualiter restaurare, quandam terram suam Kusvista, uel alio nomine Kusfolu uocatam, existentem a parte orientali inter terras Castri Posoniensis Vista uocatas, a parte uero occidentali inter terras suas Vista uocatas, cum omnibus utilitatibus suis, videlicet siluis, nemoribus, virgultis, fenetis, ac alijs pertinencijs vniuersis, eidem Georgio, et per eum suis heredibus heredumque suorum successoribus dedit, contulit et donauit perpetuo possidendam, preseute et assistente Thoma, filio Comitis Tiburcij, fratris sui, qui huiusmodi donationi consensum suum prebuit et assensum, ita, quod de cetero nec ipse, nec filij sui, nec aliqui de cognacione sua ipsam terram ab eodem Georgio, aut filijs uel posteritatibus suis possint quoquomodo alienare, uel in irritum reuocare, obligando se, quod quicumque processu temporum de heredibus aut generacionibus suis, eandem terram ab ipso Georgio, uel heredibus suis alienare, aut irritare forsitan attemptarent, alienatores, uel irritatores huiusmodi donacionis eidem Georgio, uel successoribus suis taxacionem quinquaginta marcarum, quibus decapitacio et mutilacio digiti filiorum sepedicti Georgij per proborum virorum arbitrium est taxata, soluere teneantur. In cuius rei memoriam presentes concessimus litteras sigilli nostri munimine roboratas. Datum in festo Natiuitatis Beate Virginis Gloriose anno Domini Mş. CCş. LXXXXIş.

(Hártya. A pecsét, mely hártyaszeleten függött, nincs meg többé. Pozsonykáptalani országos levéltár. Capsa XIV. Fasc. 10. Nro 30. Knauz.)