Nos Renoldus quondam Palatinus, magister Petrus dictus Pethene, et Comes Jacobus, judices in Comitatu de Zemlin per dominum Regem constituti, damus pro memoria, quod Johanne filio Langeussi, Demetrio filio Uz, ac Uza, Gregorio filio Kemez, Uz filio Balasey de Tolchva, ac aliis de eadem coram nobis personaliter constitutis ab una parte, Thoma Comite, Bocsa filiis Simon ac aliis fratribus suis similiter personaliter coram nobis comparentibus ab altera, iidem nobiles de Tolchva dixerunt proponentes, quod terram Toronia vocatam, quam a filiis Simon, juxta formam judicii requirebant, ipsi de voluntate et judicum consensu super predicta terra taliter inter eos extitit ordinatum, quod pro terra predicta nobiles de Tolchva filiis Simon Comitis minus viginti marcis ducentas marcas coram Capitulo Agriensi partim in argento, partim in estimacione condigna in terminis infrascriptis solvere teneantur filiis supradictis stb. Datum in Ujlak feria sexta proxima ante festum Beati Michaelis Archangeli.

(Fejérvári Okmánygyűjteménye, mely a nemz. muzeumban őriztetik, III. kötet.)