In nomine Sancte Trinitatis et Indiuidue Vnitatis. Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex vniuersis Christi fidelibus presentibus pariter et futuris presencium noticiam habituris salutem in eo qui Regibus dat salutem. Licet creatura non habeat quid creatori ac reparatori eiusque gloriosissimis sanctis, quorum suffragiis creator creaturis largitur uniuersa, impendere valeat ex condigno, debet tamen tota deuocione animi totaque puritate affectus laborare, vt eternorum intuitu in terris seminet, quod in die messionis extreme recolligens cum multiplicato fructu in celesti orreo possidere valeat et habere. Proinde ad uniuersorum noticiam harum serie volumus peruenire, quod cum Ecclesiam seu Monasterium Beati Martini de Sacro Monte Pannonie, cuius intercessionibus nobis cuncta prospere suffragari sentimus, velimus merito Regali fauore, gracia et donacione amplexari, ob remedium anime nostre et spem future felicitatis, quasdam duas possessiones in vicinia ipsius Monasterii, Tap et Zent Miklus vocatas habitas, cum vduornicis nostris in eisdem residentibus, Boda videlicet et Zobou, Chrachino, Georgio, Sebastiano, Ladizlao, Dominico, Scemeyno, Matthia et Petro, cum suis heredibus heredumque suorum successoribus, quos quidem vduornicos dominus Rex Bela auus noster clare memorie de castrensibus castri Wesprimiensis in condicionem vduornicorum transtulerat, in eadem condicione, qua predecessoribus nostris seruierunt, dedimus, donauimus et contulimus ipsi Monasterio Beati Martini sub eisdem metis, terminis et limitibus, quibus tempore ipsius Regis Bele per predictos uduornicos et alios populos earundem habite, limitate fuerant et possesse, cum omnibus vtilitatibus suis et pertinenciis vniuersis, ac per magistrum Leurentham Comitem Wesprimiensem dilectum et fidelem nostrum fecimus assignari. Vt igitur huius nostre donacionis seu collacionis series robur obtineat perpetue firmitatis, nec processu temporum per quempiam successorum nostrorum valeat retractari, vel in irritum aliquatenus reuocari, presentes eidem Monasterio Beati Martini concessimus litteras nostras dupplicis sigilli nostri munimine roboratas. Datum per manus venerabilis viri magistri Theodori Albensis Ecclesie Prepositi aule nostre Vice-Cancellarij dilecti et fidelis nostri, anno Domini Mş CCş nonagesimo secundo vndecimo kalendas Februarii Regni autem nostri anno secundo.

(Eredetie a sz. Mártoni főapátság levéltárában.)