Nos Andreas Dei gracia Vngarie, Dalmacie, Croacie, Rame, Seruie, Lodomerie, Cumanie Bulgarieque Rex significamus omnibus quibus expedit presencium per tenorem, quod cum circa festum Purificacionis Beate Marie Virginis essemus Strigonij in presencia venerabilis patris domini Lodomerij Dei gracia Sancte Strigoniensis Ecclesie Archiepiscopi eiusdemque loci Comitis perpetui, magister Haab Prepositus Ecclesie Sancti Saluatoris de Posonio, vir honorabilis et discretus, et magister Andreas nomine Capituli eiusdem loci exhibuerunt nobis multa documenta et instrumenta super collacione possessionis Johannis filij Petri Turne vocate in Comitatu seu districtu inter Posoniensem Ciuitatem et Tyrnam constitute, quibus instrumentis seu munimentis tam proprijs, quam aliorum locorum sollempnium et multorum virorum nobilium, ac professione communitatis seu vniuersitatis eiusdem Ciuitatis Posoniensis, necnon nobilium jobagionum castri, quibus perspicaciter apparebat, quod idem Johannes filius Petri pro deuocione et fundacione juris patronatus eiusdem Ecclesie Santi Saluatoris, vbi suorum parentum et auorum tumulata corpora requiescunt, dictam possessionem Turne in proprietatem eiusdem Ecclesie tam in morte, quam inter uiuos donasse et legasse perpetuo possidendam, vsufructu eiusdem possessionis, dum uiueret sibi tantummodo reseruato, et dum graui infirmitatis mole in expedicione habita contra Ducem Austrie circa Owar grauiter angeretur, hoc idem in presencia multorum discretorum et religiosorum virorum ac personarum ecclesiasticarum asseruerit in lecto egritudinis conpos (így) mentis viua uoce. Demum in mortis articulo proclamauit publice ordinacionem seu collaciouem de premissa possessione Turne vocate (így) penes eandem Ecclesiam Sancti Saluatoris in anime sue et suorum parentum suffragium perpetuo remanere, eiusdem possessionis dominio ad ipsam Ecclesiam Sancti Saluatoris ex ui juris patronatus, nullius sue cognacionis participante consorcio, specialiter et principaliter deuoluto. Nos itaque litteris omnibus et munimentis, ut premisimus, perlectis in nostri presencia et plenius intellectis, eundem magistrum Haab Prepositum et fratres suos, Capitulum videlicet Ecclesie Posoniensis in corporalem possessionem eiusdem Turne ac pertinencium ad eandem per Petrum presbiterum fidelem Capellanum nostrum, et per Vyd filium Comitis Geeth de Spaccha familiarem nostrum duximus inducendos. Datum Strigonij anno Domini Mş CCş LXXXXş secundo in festo Purificationis Beate Virginis.

(Hártya. Hátulján a nagy pecsétnek (sig. Maiestat.) nyoma. Pozsonykáptalani magánlevéltár Capsa C. Fasc. 4. Nro. 36. Knauz.)