Nos Capitulum Quinqueecclesiensis Ecclesie memorie conmendamus per presentes, quod magister Abraam Notarius Capituli Ecclesie Boznensis, pro dominis suis venerabile patre, domino Thoma Dei gracia Episcopo Boznensis Ecclesie, et pro magistro Demetrio fratre carnali eiusdem, filijs Elek de genere Scentemagych, exhibendo litteras eiusdem domini Episcopi Boznensis de ratiabicione ab una parte, nobilis iuuenis magister Laurencius filius magistri Phs. (Philpes) pro se, et pro fratre suo carnali et magistro Phs. (Philpes) vocato, ab altera, personaliter in nostri presencia constituti, dixerunt, quod cum super facto illius porcionis terre, quam porcionem in terra Koporna vocata dominus Episcopus Boznensis Ecclesie, et magister Demetrius frater suus carnalis, titulo empcionis dignoscuntur possidere, inter partes uerteretur materia questionis, partibusque diucius alterquantibus, tandem secundum arbitrium proborum virorum conprouincialium, prefata porcio terre in Koporna, sub eodem titulo empcionis cum omnibus suis vtilitatibus et pertinencijs quibuslibet, cessit et remansit eidem domino Thome Episcopo Boznensi, et fratri suo magistro Demetrio, eorumque heredibus et successoribus irretractabiliter et irreuocabiliter iure perpetuo possidenda, prenotati autem nobiles iuuenes, magister Laurencius et Phs. cesserunt et renunciarunt omni liti et accioni sue, quam forte nunc uel in posterum, racione huius porcionis terre collate in Koporna aduersus eosdem dominum Episcopum et fratrem suum mouere potuissent. Item super omnibus et omnimodis destruccionibus, combustionibus, dampnis datis, et iniurijs, uel iniuriosis faccionibus quibuslibet hinc et inde sub - - - illatis usque modo, sev usque datam presencium litterarum, secundum arbitrium proborum virorum conprouincialium sibi invicem et ab invicem, mutuo satisfacientes, perpetuam pacem se habere et conseruare in futurum sunt confessi oraculo viue uocis, et quod neutra parcium alter am partem super preteritis dampnis quibuslibet uel iniurijs poterit molestare in futurum. Si quis vero parcium ab huiusmodi composicione resiliens, super preteritis quibuslibet dampnis, uel super quibuslibet iniuriosis faccionibus aduersus alteram partem, litem mouerit quamcumque; item post datam presencium si quis, parcium rixarum susscitatrix, uel controuersiarum incitatrix, iniuriarum irrogatrix, dampnorum datrix quorumlibet, cedium illatrix extiterit in futurum, et hoc nobis et Capitulo Boznensis Ecclesie per homines nostros certitudinaliter constiterit, extunc sicut iam nunc, ad nostrum et eiusdem Capituli Boznensis Ecclesie scitum, et ad inquisicionem, hec pars sicut rebellis, preuia citacione facta, absque strepitu alicuius judicij, omni occasione, dilacione et qualibet tergiuersacione remotis, in termino, quem Judex assignandum duxerit, centum marcas parti aduerse soluere teneatur. Nos vero Capitulum Boznensis Ecclesie, dabimus litteras nostras ad dominum Regem transferendas, transgressoris uel transgressorum nomina sueque transgressionis modum siue seriem continentes. Ad hec utraque pars uoluit et assumpsit, vt venerabilis pater dominus noster P. Dei gracia Episcopus Quinqueecclesiensis hanc partem rebellem et quoslibet suos ad ipsam pertinentes interdicendi, suspendendi et excommunicandi habeat plenariam potestatem, quam quidem sentenciam excommunicacionis idem dominus noster Episcopus absque intermissione in eandem partem, et contra suos promulgare et promulgari, publicare et publicari facere teneatur. Ymmo nec absoluere possit, donec leso uel lesis de dampnis eorum satis fiat competenter. Ab hac tamen sentencia excommunicacio nis sola venerabilis persona domini Epscopi Boznensis Ecclesie excipitur excludendo. Datum in festo Sancti Mychaelis Archangeli anno Domini millesimo CC-ş nonagesimo tercio.

(Eredetie a Torma nemzetség levéltárában Csicsó-Keresztúron. Szabó Károly.)