A. C. D.

Vniuersis Christi fidelibus presentes litteras inspecturis Capitulum Ecclesie Posoniensis salutem in salutis largitore. Ad vniuersorum noticiam tenore presencium uolumus peruenire, quod constitutis personaliter coram nobis Paulo filio Primus (?), Karolo filio Kyris, Kozma filio Buhte, Matheo filio Jaco pro se, et pro tota uilla Dobrogoz, ab una parte; Jacobo filio Petri de Sancto Georgio, Johanne filio Voncha, pro se et pro cognatis suis, scilicet filijs Chwnur et filijs Kemin, ab altera; idem Paulus cum omnibus socijs suis supradictis est confessus oraculo uiue uocis, quod ipsi per uenerabilem patrem Ladislaum Dei gracia Archiepiscopum Strigoniensium, dominum ipsorum, in maiorem libertatem uolentes se transferre, et tempore tribulacionis per nimiam destruccionem depauperati extitissent, et quam plurimum expensa iudigerit, octo iugera terrarum arabilium de proprijs hereditarijs eorumdem, que iacent circa terram Jacobi antedicti, quorum vnus finis tendit uersus viam Dobrogoz, alius uadit ad magnam viam, que ducit in Chyliztu et dicitur via publica, ex communi uoluntate uendiderunt pro quatuor marcis latorum domino Jacobo supradicto, et per eum in filios filiorum suorum iure hereditario in perpetuum possidenda; ita tamen, quod de predicta terra omnes generaciones Jacobi, scilicet Johannes filius Voncha, sicut dixit coram nobis, nullam uim facientes, quia ad empcionem terre Jacobum in nullo adiuuantes, sed omnino Jacobo sepedicto remanebit. Dicimus eciam, quod idem Jacobus mediam marcam in dicto negocio laborando dicit expendisse; obligans se etiam tota uilla Dobrogoz, quod quicunque processu temporum Jacobum sepedictum supra predicta terra uellent molestare, seu agrauare, tenebitur expedire proprijs laboribus et expensis. In cuius rei testimonium nostras litteras concessimus sigilli nostri munimine roboratas. Datum anno Incarnacionis Dominice M. ducentesimo nonagesimo tercio.

(Hártya. Vöröszöld selymen függ a pecséttöredék. Pozsonykáptalani országos levéltár. Capra XIV. Fasc. 4. Nro. 2. Knauz.)