Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex omnibus Christi fidelibus tam presentibus, quam futuris presens sriptum inspecturis salutem in omnium Saluatore R(egiam condecet Maiest)atem precibus condescendere subditorum optatis, horum maxime, qui sibi tempore oportuno commondabilem famulatum in feruore fidelitatis impendisse dinoscuntur. Proinde ad vniuersorum n(oticiam volumus perueni)re, quod Herculinus fidelis villicus noster de nostra Ciuitate Posoniensis ad nostram accedens presenciam quandam terram nostram Mysser uocatam in Comitatu Posoniensi in Chollokuz (existentem ha)bitatoribus destitutam a nobis petiuit sibi dari, super qua olym hospites castri nostri Posoniensis residebant. Nos itaque considerantes fidelitates et grata seruicia dicti Herculini, (que nobis) a tempore coronacionis nostre cum sumpma fidelitate (impendit), non parcendo rebus suis nobis offerendis, et personam suam casibus fortune submittendo; maxime tunc, cum castrum Posoniense per industriam et miliciam Mathei Comitis Posoniensis Magistri Agazonum nostrorum dilecti et fidelis a Nicolao Palatino filio Hemerici et Castellanis eiusdem recuperatum extitisset; volentes eidem Herculino pro huiusmodi seruicijs suis nobis fideliter impensis Regio occurrere cum fauore, predictam terram Mysser uocatam cum omnibus utilitatibus suis et pertinencijs suis vniuersis sub eisdem metis et terminis, in quibus per priores possessores habitata extitit et possessa, de gracia speciali sepedicto villico nostro Posoniensi et eorum (így) heredibus, heredumque suorum successoribus vniuersis, dedimus, donauimus et contulimus jure perpetuo et irreuocabiliter possidendam et tenendam. In cuius rei memoriam perpetuamque firmitatem presentes concessimus litteras duplicis sigilli nostri munimine roboratas. Datum per manus discreti viri magistri Theodori Albensis Ecclesie Prepositi aule nostre Vice-Cancellari (így) dilecti et fidelis nostri. Anno Domini Mş CCş nonagesimo quarto, Regni autem nostri anno quarto.

(Kiírva a pozsonykáptalani országos levéltárnak Capsa XIV. Fasc. 12. 6-ik számából, melyben átírja ez okiratot ugyane Herculin „Iudex Ciuitatis Poson.” kérésére a pozsonyi káptalan; „predictum priuilegium non abrasum, non cancellatum, nec in aliqua sui parte uiciatum, de uerbo ad uerbum nostris litteris priuilegialibus inseri fecimus, nostro sigillo sigillantes. Datum in octauis Natiuitatis B. Johannis Baptiste. (Jul. 1.) anno Dom. Mş CCCş tercio. Hártyán írva, alján A. B. C. a még ép pecsét vörös fehér selymen függ. A zárjel közti szavak az eredetiből kitépetvék. Knauz.)