Uniuersis Christi fidelibus presentes litteras inspecturis Capitulum Ecclesie Posoniensis salutem in Domino. Ad vniuersorum noticiam tenore presencium uolumus peruenire, quod Blasio filio Georgij, jobagione castri ab una parte, Abraham Rufo Curiali Comite Posoniensi ab altera, constitutis personaliter coram nobis, idem Blasius, quendam seruum suum hereditarium Nicholaum nomine, simul cum ipsis in nostri presencia presencialiter conparentem, et se esse seruum ipsius Blasij pure et simpliciter confitentem, eidem Abrahe Rufo, pro quatuor marcis, receptis plenarie ab eodem, uendidisse est confessus; obligacione huiusmodi inter serta, quod quicunque imposterum presentis vendicionis contractum niterentur in irritum forsitan reuocare, ipse videlicet Blasius antedictus, eundem Comitem Abraham tenebitur expedire proprijs laboribus et expensis. In cuius rei memoriam presentes concessimus litteras sigilli nostri munimine roboratas. Datum anno Domini Mş CCş nonagesimo quarto.

A. B. C.

(Hártya. A pecsét zöldvörös selymen függ. Pozsonykáptalani országos levéltár Capsa XIV. Fasc. 23. Nro. 29. Knauz.)