A. B. C.

Nos Capitulum Ecclesie Posoniensis significamus uniuersis, quibus expedit per presentes, quod constitutis personaliter coram nobis Oka filio Baad de Zor pro se et pro fratre suo Symone ex una parte, Petro filio Benedicti de eadem Zor, jobagione castri Posoniensis, cum seruo suo Johanne hereditario ab altera, idem Oka est confessus, quod cum ex suasione diabolica Johannes seruus hereditarius Petri superius memorati, Andream fratrem Oka supradicti casualiter occidisset, tandem tam propter Deum, quam eciam propter lineam consanguinitatis, mediantibus probis viris inter ipsos habitam (így) in quindecim pensis denariorum Wienensium, partes de bona voluntate concordassent, quam summam pecunie prefatus Oka, ab eisdem Petro et seruo suo Johanne supranominato, se plenarie recepisse coram nobis est confessus. Obligauit eciam se idem Oka supranominatus, puod quicunque processu temporum super morte fratris sui Andree, eosdem Petrum et seruum suum Johannem inpetere forsitan attemptaret, ipse Oka et frater suus Symon tenebuntur eosdem Petrum et Johannem seruum suum expedire proprijs laboribus et expensis. In cuius rei memoriam presentes dedimus litteras sigilli nostri munimine roboratas. Datum anno Domini M. CC. nonagesimo quarto.

(Hártya. Vörösfejér zsinegen függ a még ép pecsét. Pozsonykáptalani országos levéltár. Capsa XIV. Fasc. 19. Nro. 1. Knauz.)