Andreas Dei gracia Ungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex vniuersis Christi fidelibus, tam presentibus quam futuris presencium noticiam habituris salutem in Domino sempiternam. Ad vniuersorum noticiam tenore presencium volumus peruenire, quod vir discretus Magister Andronicus Prepositus Wesprimiensis, aule domine Regine charissime Consortis nostre Vice-Cancellarius, dilectus et fidelis noster, ad nostram accedens presenciam exhibuit nobis privilegium Comitis Martini Vice-Judicis Curie nostre, super quadam particula terre, intra Beren existentis confectum, petens a nobis cum instancia, ut nos ipsum privilegium ratum habere, et nostro dignaremur privilegio confirmare. Cujus quidem privilegij tenor talis est:

Nos Comes Martinus stb. (mint fentebb 69. sz. a.)

Nos itaque ipsius Andronici Prepositi Wesprimiensis justis peticionibus favorabiliter inclinati, duia inspeximus dietum privilegium Comitis Martini non abrasum, non cancellatum, non abolitum, nec in aliqua sui parte viciatum, tenorem ejusdem de verbo ad verbum presentibus inseri facientes, ipsum privilegium ratum habentes et acceptum, authoritate presencium confirmamus duplicis sigilli nostri munimine roborando. Datum per manus venerabilis viri magistri Theodori Prepositi Albensis aule nostre Vice-Cancellarij, Electi Ecclesie Jauriensis, dilecti et fidelis nostri, anno Domini Mş CCş nonagesimo quinto, quarto kalendas Maij, Regni autem nostri anno quinto.

(Eredetie a veszprémi káptalan levéltárában.)