Vniuersis presentes litteras inspecturis. J. miseracione Diuina Prepositus et Conuentus Ecclesie Beate Virginis de Turuch Ordinis Premonstratensis salutem in omnium saluatore. Quum ut queuis disposicio gesta sub tempore in ratitudine habeatur, scripturarum consueuit testimonio fulciri; ad vniueraorum igitur noticiam tenore presencium uolumus peruenire, quod cum Donyzlaus de villa Waralia de Lyptou pro omnibus populis et villanis de eadem villa Waralia, et una cum Demetrio filio Pauli homine prouincie de Lyptou ab una parte, Omodeus, Johannes et Paulus filii Behar ab altera, ad nostram personaliter accessissent presenciam, ijdem Donyzlaus et Demetrius oraculo vive uocis sic dixerunt, quod ex precepto A. Dei gracia Regis Hungarie, et magistri Demetrij Comitis de Zoulum pro tempore constituti Omodeo, Johanni et Paulo supradictis pro terra ipsorum, quam communiter cum populis de villa Waralia a tempore B. Dei gracia Regis Hungarie beate memorie possidebant, ijdem populi de villa Waralia pari uoluntate et consensu, in concambium terre ipsorum iam dicte inxta fluuium Zelnyce, ab una parte distincta, assignauerunt et dederunt terram usui duorum aratrorum sufficientem, ipsis Omodeo, Johanni et Paulo memoratis, et per eos ipsorum heredibus heredumque successoribus iure perpetuo irreuocabiliter possidendam. Cuius quidem terre mete hoc ordine distinguntur. Prima meta incipit, ubi aqua Zelnyce cadit in Waagery, et tendit superius per eandem aquam ad septemtrionem, et uadit ad locum molendyni, et scandit per unum fossatum iterato ad aquam Zelnyce, et paululum ascendendo exit supra molendynum Tiburcij, et transeundo quoddam mochar transit in unam uiam ad unum telek, et per distinccionem illius telek tangit aquam Sesterche, et uadit superius per eandem aquam cireumeundo curiam Behar, ad alium telek, quod telek cedit in partem filiorum Behar, in fine cuius telek tendit ad orientem transeundo uiam directam ad molendynum Jorchyk super aquam Zelnyce, et tendit superius per eandem aquam ad septemtrionem usque ad locum, ubi terre ville Zelnyce distinguntur; et inde prosiliendo de aqua procedit ad orientem ad arborem fuzfa, ubi est meta; et inde uadit ad aliam arborem fuzfa, ubi est meta; et inde circuit ad meridiem ad vnam uiam, ubi est meta, de qua meta procedit per antiquas metas iuxta terram Pauli sartoris ad arborem fuzfa, ubi est meta, de qua meta transit vnum mochar ad portum Wagery, et per eandem ere defluit ad aquam Zelnice ad primam metam. Sed quia terra Omodey et fratrum suorum, que communiter remanait populis de Waralia, maior esse uidebatur, ijdem populi adiderunt quindecim iugera terre, in terragio populorum de Tornouch, que terra cesserat Ecclesie eis in coucambium Ecclesie Virginis Gloriose assignate. Nos igitur ad peticionem parcium litteras nostras concessimus sigilli nostri munimine roboratas. Datum anno ab Incarnacione Domini Mş CCş nonagesimo qinto. Item populi de uilla Waralia assumpserunt Omodeum et fratres suos ab omnibus impetere volentibus semper defendere et expedire.

(III. Endre királynak 1296-ki megerősítéséből. Érdy.)