Jacobus Divina miseracione Prepositus Ecclesie Sancti Stephani Protomartiris de Promontorio Varadiensi, totusque Conventus loci ejusdem, omnibus Christi fidelibus presens scriptum inspectnris salutem in Domino sempiternam. Ad universorum noticiam tam presencium, quam futurorum harum serie litterarum volumus pervenire, quod Syke, Dionisio, Nicolao filiis suis, et Johanne fratre suo ab una parte; Benedicto filio Benedicti; Lamberto, Stephano et Ladislao filiis suis; Nicolao filio Buzach; Andrea filio Vida; Laurencio, Thoma, Stephano ac Loranto, Andrea et Dionisio filiis Adriani ab altera coram nobis personaliter constitutis; declaratum exstitit per eosdem, quod sextam partem terre Moro vocatam vendidissent et distraxissent pro decem et quatuor marcis plene ab eisdem habitis et receptis (Syke), et Johanni filiis Nicolai, et per ipsos eorum herelibus, heredumque successoribus perpetuo, pacifice, et irrevocabiliter possidendam pleno jure; assumentes et obligantes iilem Benedictus, Lambertus, Stephanus, Andreas, ac alii cognati ipsorum supradicti, ut quicunque predictos Syke, et Johannem filios Nicolai super bono terre premisse molestare niterentur, iidem Benedictus, cognati et fratres sui memorati propriis laboribus et expensis teneantur expedire. Cujus quidem cursus mete incipiunt: Prima meta ejusdem terre (incipit) juxta domum Botha, et Mili et Komlos; et inde tendit ad insulam Moro, et saltat ad fenetum; deinde tendit ad Kisluko versus Bozd juxta magnam viam; et inde transit nemus parvulum, et ascendit versus Kylether, et ibi sunt due mete terree; et inde tendit ad metam terream Qualepod, et Kylether. Et sepe nominatus Syke, et Johannes obligaverunt se super eo, ut quicunque cognati ipsorum litem movere conarentur contra Benedictum et fratres suos, iidem Syke et Johannes super predictam (?) terre Moro expedire tenebuntur; hoc non obmittendo, si fieri contingeret, quod Comes Vatha, aut filii sui litem movere adtemptarent contra Benedictum, heredesque suos, extunc Syke et frater suus Johannes pariter cum Benedicto, heredibusque suis debent resistere Comiti Vatha et filiis suis memoratis. In cujus rei memoriam perpetuamque firmitatem presentes concessimus littteras sigilli nostri munimine roboratas. Datum Sabbatho proximo - - - anno Domini M. CC. nonagesimo quinto.

(Az eredetiből, mely hártyára írva 1848 előtt a zalathnai bányatörvényszék levéltárában őríztetett. Közli Kéméndy Várady Ádám.)