A. B. C.

Nos Abraham Rufus Curialis Comes Posoniensis omnibus quibus expedit significamus per presentes, quod licet inter Husvyt filium Mokov, Gurk fratrem eiusdem, Thomam filium Ccech, ct Holdan de Zylos Luche; item Comitem Teber, Jacobum filium eiusdem, Johannem filium Gregorij, Andream filium Chugud, Egidium filium Cemev et Endreum de Chugud Luche; item Byke, Mark et Johannem de Byke Luche; item Petrum fratrem Ynus; Egidium filium Fabiani de Superiori Luche ex una parte; et inter Thomam (et) Johannem filios Petri, et Lotarium filium Thome ex altera, super terra Bekasy uocatalis et eontencio fuisset excitata; tandem per arbitrium Comitis Farkasij, Comitis Michaelis wduornicorum, Chem - - dicti in talem pacis et vnionis concordiam dixerunt se personaliter constituti deuenisse: quod secundum arbitrium dictorum bonorum virorum dicta terra Bekasy, quam quedam palus Gemchetov uocata vndique circuit, in ius et perpetuitatem cum omnibus utilitatibus suis et pertinencijs, dictis Theme, Lotario et Johanni extitisset deuoluta, cuius paludis equalis pars spectaret et pertineret ad supradictos populos Regales de quatuor villis Luche superius nominatis, alia uero equalis pars spectaret et pertineret Thome, Johanni et Lotario prenotatis; item de secunda palude Kallov nominata, ex qua prior palus Gemche exyt et egreditur, Thomas, Johannes et Lotarius nullam partem habeant, sed omnino ad populos dictarum quatuor villarum pertineat atque spectet, nec idem Thomas, Johannes et Lotarius de palude Kallov uocata partem aliqualem sibi et suis posteris possint vsurpare; similiter et populi Regales ad porcionem ipsorum suas manus non extendere possunt vel ualebunt, sed unusquisque suam partem, iniuriam parti alteri non in fereudo, pacifice possidebit et quiete; nec inter ipsos rixa vel contencio processu temporum racione prioris iniurie mouebitur aliqualis. Super cuius firmitate rei atque robur partes inter se litteras Capituli Posoniensis facient emanari. Datum in Dominica proxima post octavas Beati Jacobi Apostoli, anno Domini millesimo ducentesimo nonagesimo quinto.

(Hártya a vörös zöld selyemről lefüggő pecsét még egészen ép. Pozsonykáptalani országos levéltár. Capsa XIV. Fasc. 2. Nro. 23. Knauz.)