Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex omnibus Christi fidelibus presentem paginam inspecturis salutem in salutis largitore. Ad vniuersorum tam presencium quam futurorum noticiam tenore presencium uolumus peruenire, quod Omodeus filius Behar de Lyptou ad nostram accedens presenciam, exhibuit nobis litteras priuilegiales Prepositi et Conuentus Ecclesie Beate Virginis de Turuch, super facto cuiusdam concambij inter ipsum et fratres suos ab una parte, et populos de suburbio castri de Lyptov ex altera, confectum, petens cum instancia, ut ipsum priuilegium ratum habere, nostroque priuilegio Regio confirmare dignaremur. Cuius tenor talis est:

Vniversis presentes litteras inspecturis stb.(következik a turóczi konvent 1295-ki okmánya, mint fentebb 88. sz. a.)

Nos itaque iustis et legitimis peticionibus ipsius Omodey inclinati Regio cum fauore, seruiciaque ipsius, que nobis in expugnacione castri Adryan cum sui sanguinis effusione, exhibuit, attendentes, dictas litteras priuilegiales Prepositi et Conuentus de Turuch super premisso concambio confectas, non cancellatas, non abrasas, ratas habentes et acceptas, de uerbo ad uerbum presentibus inseri facientes, attoritate (így) presencium duximus confirmandas. In cuius rey memoriam perpetuamque firmitatem, presentes concessimus litteras duplicis sigilli nostri munimine roboratas. Datum per manus venerabilis patris Th. Dei gracia Episcopi Jauriensis, aule nostre Vice-Cancellarij dilecti et fidelis nostri, anno Domini Mş CCş nonagesimo sexto, primo Ydus Julij, Regni autem nostri anno sexto.

Jegyzet. Eredetie bőrhártya a Hunt-Pázmántól eredett Kubinyi nemzetség levéltárában, Érdy.