In nomine Domini Amen. Anno Natiuitatis eiusdem millesimo ducentesimo nonagesimo sexto, Pontificatus domini Bonifacii Pape octavi anno secundo mense Maii die XXV. eiusdem IX. Indiccionis. Presentis instrumenti publici serie notum sit omnibus, quod in presencia mei, Petri Grassi de Neapoli, Regii et publici Apostolica authoritate Notarii, nec non Reverendi patris domini Philippi Dei gracia Neapolitani Archiepiscopi, venerabilis viri domini Petri de Ferreriis, Decani Aniciensis, Regni Sicilie Cancellarii, Regiorum Consiliariorum et familiarium, domini Manni presbyteri Canonici Neapolitani, Leoneti de Campesio et Johannis Chambonis de Mala Valle ad hoc specialiter vocatorum et rogatorum testium. Inter Excellentissimum Principem dominum Karolum secundum Dei gracia Hierusalem et Sicilie (Regem), Ducatus Apulie et Principatus Capue, Provincie et Forqualquerii Comitem, pro domina Beatrice minore septennio nepte sua primogenita, bone memorie Incliti Principis domini Karoli primogeniti eius, Hungarie Regis Illustris, ex parte 165una; et viros nobiles ac discretos, dominum Benevenutum de Campesio Juris Civilis Professorem, ek dominum Johannem de Sancto Sabino, Consiliarios et familiares ac speciales ad hoc Procuratores et Nuncius, quod constitit, virorum Illustrium domini Humberti Dalphini Viennensis et Albonis Comitis Dominique de Turre, ac Johannis Dalphini primogeniti sui pro eodem primogenito ex altera. Tractatus est habitus de sponsalibus et matrimonio, suo tempore contrahendo, et post varios habitos ex hinc et inde tractatus, talis demum mutuo finalis inde concordia est secuta; videlicet, quod predictus dominus Rex per egregium virum dominum Bartholomeum de Capua, Logothetum et Protonotarium Regni Sicilie, Consiliarium et familiarem suum, plena inde, quod sibi constitit, tradita potestate promisit se facturum et curaturum legaliter et bona fide, quod quamprimum pro etate licebit, dicta domina Beatrix consenciet in eumdem Johannem Dalphinum, tamquam in suum spousum et virum legitimum, eique matrimonialiter coniungetur; ipsaque sponsalicia et matrimonium contrahet legitime cum eodem; quam quidem dominam Beatricem ex nunc promisit Rex ipse per speciales suos alios et eiusdem Dalphini Nuncios in Prouincia ad ciuitatem Sistarici mittere dicto Dalphino tradendam, apud eum, iuxta suorum morum observanciam educandam. Pro cuius domine Beatricis dote dominus Rex ipse dare conuenit, atque promisit librarum Turonensium nigrorum, aut solvi faciet viginti millia, de quibus decem millia solvet eidem domino Johanni Dalphino, vel alii pro parte ipsius, in Provincia in festo Omnium Sanctorum secundo futuro sequentis XI. Indiccionis. Et de reliquis decem millibus faciet et servabit, quod testificacio dictorum Nunciorum specialiter inde facta, quam penes se dominus Rex conservat, in forma scilicet publica, alia penes Nuncios ipsos consimili remanente, continet et declarat. Hoc specialiter et expressim in convencione adiecto, quod si, quod absit, accideret dictum non compleri matrimonium, dos ipsa in eisdem decem millibus librarum Turonensium solvendis, ut predicitur, restituetur instanter; scilicet, ubi matrimonium ipsum contingeret alterutrius norte subsequenter dissolvi, tunc dos ipsa secundum morem et consuetudinem nobilium Patrie dicti Dalphini restituetur in termino legibus 166constituto, et de reliquis totidem fiet, sicut in eadem publica testificacione Nunciorum ipsorum, ut predicitur, declaratur. Dicti vero Nuncii eiusdem Dalphini, plenam ad hoc habentes potestatem, ut constitit nomine et pro parte tam predicti domini Humberti Dalphini patris, quam eiusdem Johannis primogeniti sui, constituerunt dicte domine Beatrici dotarium trium millium annuarum librarum Turonensium predictarum, quod infra primo futurum festum Omnium Sanctorum, ac tardius per ipsum Dalphinum cum consciencia Senescalli Provincie in terra convenienti eiusdem valoris annui de terra dicti Dalphini statuetur, et eciam distinguetur; circa quod dicti Nuncii promiserunt se facturos et curaturos, quod dictus uterque dominus Dalphinus, pater et filius, cuncta, sicut prenarrata sunt, observabunt inviolabiliter, et efficaciter adimplebunt; et tam predictus Bartholomeus nomine et pro parte, ac in animam ipsius domini Regis, a quo de hoc plenam habuit, ut constitit, potestatem, quam dicti Nuncii nomine et pro parte, ac in animam ipsorum utriusque Dalphini, de premissis omnibus et singulis adimplendis et servandis, sicut prenominata sunt, in manibus meis, predicti Notarii, tactis Sacrosanctis Evangeliis prestiterunt corporalia iuramenta. In cuius rei fidem, testimonium et cautelam facta sunt exinde per me Notarium supradictum duo publica consimilia instrumenta, pendentibus tam ipsius domini Hierusalem et Sicilie Regis, quam Nunciorum ipsorum sigillis, et mea subscripcione munita; presens scilicet eidem Dalphino per eosdem Nuncios deferendum, et alterum penes ipsum dominum Regem Hierusalem et Sicilie conservandum. Actum Neapoli mense, die et Indiccione pretitulatis.

Et ego Petrus Grassus de Neapoli, qui supra, Regius et Publicus Apostolica auctoritate Notarius, predictis omnibus et singulis interfui, eaque propria manu subscripsi et publicavi, meoque solito signo signavi rogatus.

(Hist. de Dauphiné (de Valbonnais.) P. II. 77-78. Czech.)