(A)ndreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex uniuersis presertes litteras inspecturis salutem in Domino sempiternam. Ut ea, que iudicio uel concordia terminantur, salua, illibata et illesa consistant, et ne in recidiue contencionis scrupulum relabantur, solent et debent litterarum testimonio perhemnari. Hinc est, quod ad uniuersorum noticiam tam presencium quam eciam futurorum tenore presencium volumus pervenire, quod magister Nycolaus filius Pauli, Comes Jauriensis fidelis noster, coram nobis personaliter comparendo qandam (így) piscinam magistri Gregorij Canonici Strigoniensis filij Comitis Andree, et magistri Georgij, filij Comitis Cene, fratris eiusdem, Lugur vocatam, s uper fluuio Duduag existentem, restituit eisdem magistris Gregorio et Georgio fratri eiusdem, tanquam ius eorum hereditarium, sub metis et terminis antiquis, prout per magistros Gregorium et Georgium dicta piscina habita extitit et possessa ab antiquo. Ut igitur huiusmodi restitucionis series robur optineat perpetue firmitatis, nec possit ullo unquam tempore irritari, presentes ad peticionem et instanciam eiusdem magistri Pauli ipsis magistris Gregorio, et Georgio, ac eorum posteris, dupplicis sigilli nostri appensione dari iussimus et fecimus communitas. Datum per manus venerabilis patris domini Th(eodori) Dei gracia Episcopi Jauriensis aule nostre Vice-Cancellarij, dilecti et fidelis nostri, anno Domini millesimo ducentesimo nonagesimo septimo, XII. kalendas Februarij, Regni autem nostri anno sexto.

(Hosszú keskeny íróhártyán. A vastag zöld és vörös zsinorról a pecsét már elveszett. Az eredeti Dr. Stur gyűjteményében. Hatvani Mihály.)