Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex omnibus Christi fidelibus tam presentibus quam futuris noticiam presencium habituris salutem in Domino sempiternam. Ad vniuersorum tenore presencium noticiam uolumus peruenire, quod cum nos in ciuitatem nostram Supruniensem uenissemus, et paupertatem, inopiam seu depressionem ciuium ac omnium hospitum nostrorum in eadem ciuitate nostra Supruniensi commorancium, necnon murorum eiusdem ciuitatis confraccionem ex nimia antiquitate, et operis vetustatem vidissemus, inopieque seu paupertati ipsorum ciuium nostrorum de Supronio huiusmodi compaciendo et murorum confraccionem, et operis vetustatem eiusdem ciuitatis nostre intuentes doluissemus, cupientesque ex animi nostri desiderio circa reparacionem ac murorum renouacionem predicte ciuitatis nostre inuigilare, necnon inopie, paupertati seu oppressioni eorundem ciuium seu hospitum remedijs opportunis donacione ex munificencia Regia prospicere et pariter prouidere, vt ex ipsorum ciuium statu, commodo et apulencia honor Regius augmentetur et Regie Maiestati honorem impendere possint ampliorem; medietatem tributi de Fertev, quam dominus Rex Bela auunculus noster beate memorie pro conseruacione turrium castri Supruniensis predicti donauit; donacionem huiusmodi attendentes esse minus vtilem, presencium auctoritate, premissam donacionem irritando reuocamus, et eandem medietatem tributi cum omnibus utilitatibus et pertinencijs suis ciuibus seu hospitibus vniuersia de Suprunio ad vsum et vtilitatem communem, et pro renovacione ciuitatis nostre predicte ac murorum castri reparacione dedimus, donauimus, tradidimus et contulimus iure perpetuo et irrevocabiliter pacifice 172possidendam, tenendam et habendam. Volentes, vt nullus Comes Supruniensis pro tempore constitutus, nec eciam alij aliqui, predictos ciues, idest hospites nostros de Suprunio racione medietatis tributi predicti et vtilitatum suarum impetere audeat siue eciam molestare. In cuius rei memoriam perpetuamque firmitatem presentes concessimus litteras dupplicis sigilli nostri munimine roboratas. Datum per manus discreti viri magistri Gregorij Albensis Ecclesie Electi dilecti et fidelis nostri, anno Domini Mş CCş nonagesimo septimo, quintodecimo kalendas Novembris, Regni autem nostri anno octauo.

(Eredetie függő pecséttel Soprony város levéltárában. Hatvani Mihály.)