Nos Conuentus Monasterij Tikoniensis significamus quibus expedit tenore presencium vniuersis, quod Matheus aurifaber quondam domini Stephani Regis Hungarie, ad nostram personaliter accedens presenciam, coufessus extitit oraculo viue vocis, quod ipse totam possessionariam porcionem suam in Zarberyn habitam, quam ex collacione ipsius domini Stephani Regis habuisset, que quondam Salomonis filii Felch, quondam nobilis de ipsa villa Zarberyn, hominis sine herede decedentis, fuisset, cum omnibus suis utilitatibus, terris scilicet arabilibus, sessionibus, vineis, fenetis, syluis, nemoribus, et aliis quibuslibet pertinenciis, iuxta legitimam statucionem per hominem Regium et testimonium Conuentus Cruciferorum de Alba sibi factam, et postmodum per eundem dominum Regem mediantibus priuilegialibus litteris suis confirmatam, pro remedio anime sue et auxiliacione Beati Michaelis Archangeli Eeclesie et Capitulo eiusdem Beati Michaelis de Wesprimio 177dedisset, legasset et contulisset perpetuo possidendam et habendam. Datum in festo Beati Ladislai Regis anno Domini M. CC. nonagesimo septimo.

(Eredetie a veszprémi káptalan levéltárában.)