Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex omnibus Christi fidelibus presens scriptum inspecturis salutem in eo, qui est salus et uita. Pro meritis subditorum Regie (így) Sublimitas apicem conuenit inclinare bellicis sudoribus dampsillitati (így) Regalis gracie occurrendo. Proinde ad vniuersorum tam presencium, quam futurorum noticiam harum senie volumus peruenire, quod nobilis vir Comes Petrus filius Thvluoy de Comitatu Posoniensi ad nostram accedens presenciam, exibuit (így) nobis patentes litteras magistri Demetrij Comitis de Posonio et de Zoulum, petiuit nos cum instancia, ut ipsas litteras ratas habentes et acceptas de benignitate Regia nostro dignaremur priuilegio confirmare. Quarum quidem patencium litterarum tenor talis est:

Nos Magister Demetrius stb. (mint alább 134. sz. a.)

Nos igitur iustis peticionibus predicti Comitis Petri fauorabiliter inclinati, ipsas litteras non abrasas, non cancellatas, nec aliqua sui parte viciatas, de uerbo ad uerbum inseri fecimus, auctoritate presencium duximus confirmandas. Consideratisque fidelitatibus et seruiciorum meritis predicti Comitis Petri, que nobis in diuersis Regni nostri expedicionibus semper et ubique cum omni feruore fidelitatis exhibuit et impendit, et specialiter cum nos magistrum Demetrium Comitem de Posonio et de Zoulum contra dominum Adolfum Regem Romanorum vnacum domino Alberto tunc Duce Austrie et Styrie misissemus, ubi idem Petrus laudabiliter dimicando quinque nobiliores et sollempniores milites captiuauit, et duo letalia excepit wlnera, quod nobis per relacionem ueridicam eiusdem magistri Demetrij seriatim extitit euidenter; pro dampnis 184eciam et iniurijs, que pro fidelitate nobis debita per infideles Regni nostri est perpessus, et specialiter per Stephanum dictum Thouth seruientem Johannis filij Herrici tunc, cum castrum Symigiense obsideremus, est perpessus, in qua quidem destruccione ad ualorem ducentarum marcarum dampni est perpessus, prout in litteris Capituli Posoniensis plenius uidimus contineri. In recompensacionem igitur tot et tantorum seruiciorum et dampnorum ipsius Comitis Petri predictam terram Semky ab omnibus reuocando de nouo dedimus et contulimus eidem Comiti et (így) Petro, et per eum suis heredibus, heredumque suorum successoribus, sine preiudicio tamen iuris alieni, sub eisdem metis et terminis, quibus eadem terra Semky per ipsos castrenses limitata extitit possessa iuere (így) perpetuo et irreuocabiliter possidendam. In cuius rei memoriam firmitatemque perpetuam presentes concessimus litteras dupplicis sigilli nostri munimine roboratas. Datum per manus religiosi et discreti viri de ordine Minorum ac venerabilis patris domini Annoni Dei gracia Episcopi Ecclesie Chenadiensis aule nostre Vice-Cancellarij, dilecti et fidelis nostri, anno Domini Mş CCş nonagesimo octauo, septimo kalendas Augusti, Regni autem nostri anno nono.

(Hártyán gyönyörűn írva. Vörössárga selymen a pecséttöredék. Pozsonykáptalani országos levéltár. Capsa X. Fasc. 1. Nro. 2. Knauz.)