Nos P. Diuina miseracione Episcopus Quinqueecclesiensis memorie commendamus, quod Johannes filius Imbur de Posega ad nostram accedendo presenciam per modum protestacionis dixit et dicendo protestatus est, quod Magister Gyletus filius Gyleti ipsum de possessionibus suis effugisset, ac possessiones suas destruxisset, et citari faceret eundem in facie possessionum earundem, ad cuius citacionis seriem exequendam ob metum eiusdem Magistri Gylethi accedere formidaret, et quod unum fratrem ipsius occidi et servientem suum vulnerare fecerit in ipsius preiudicium et iacturam. Datum Quinqueecclesiis in octavis Epiphanie Domini anno Domini Mş CCş nonagesimo nono.

(Az eredeti után.)