In rerum Ecclesiasticarum agendis, semper meliora prospiciuntur et vtiliora attenduntur, ad hoc, vt Dei Ecclesia in suo statu tuta permaneat, et in suis bonis sit tranquilla. Pro eo, nos Petrus Dei gracia Episcopus Transsilvanie commodum et utilitatem nostri Episcopatus, studio sollerciori attendentes, ut populi Episcopatus nostri de Klusuar, de Fenes, et aliaram villarum nostrarum circumiacencium, commodius et quiecius uti ualeaut, liberins ac largius, in suis bonis nobis servire possint, propter hoc diligenti deliberacione premissa cum viro religioso fratre Lazaro, Abbate Monasterij gloriosissime Virginis Marie de Klus, contractum permutacionis de quibusdam terris Leske et Szentgyurg uocatis inter possessiones nostras iacentibus duximus celebrandum; in quarum terrarum concambium quasdam villas nostras Nadasd et Bugartheluke vocatas, villis et terris monasterij predicti commetaneas, ab alijs terris nostris et possessionibus, certis metis et terminis separatas et distinctas, Abbati et per eum monasterio predicto, damus et assignamus, ac per cartam presentem, ipsum fratrem Lazarum, tanquam Abbatem et legitimum eiusdem monasterij Administratorem verum dominum et legitimum constituimus possessorem earundem. Promittendo eidem, ut si ullo unquam tempore idem dominus Abbas uel eius successores, in terris per nos datis, in toto inpeterentur uel in parte, nos et nostri successores tenebimur semper ipsum dominum Abbatem et Monasterium in possessione quieta conseruare, et si hoc facere non attenderemus nec possemus, tunc terre memorate nobis in concambium assignate, ad ius et proprietatem Monasterij sine alialiqua redeant questione. Promittimus insuper, ut Abbas nunc existens et futuri Abbates, si quando voluerint, et lignis pro 217edificijs in claustro faciendis, vel pro reficiendo Monasterio ac domorum in claustro existencium indiguerint, liberam habeant facultatem, incidendi ligna in sylua Leske, et exportandi sine aliquo impedimento quociescunque voluerint. In cuius rei memoriam et perpetuam firmitatem, hanc cartam, seriem permutacionis continentem, sigillo nostro, Abbati et Monasterio sepefato damus et tradimus consignatam. Datam in Klusuar in festo Exaltacionis Sancte Crucis, anno Domini Mş. CCş. nonagesimo nono.

(Teutsch és Firnhaber id. m. I. köt. 210. l.)