Amicis suis reverendis honorabili Capitulo Ecclesie Transsiluane Ladizlaus Woyuoda Transsiluanus et Comes de Zonuk amiciciam paratam cum honore. Dicit nobis religiosus vir frater Lazarus Abbas de Colusmonustra, quod ipse, in dominium cuiusdam possessionis sue Bogartelke vocate in Comitatu de Clus existentis, per venerabilem in Christo patrem dominum Petrum Episcopum, dominum et Prelatum vestrum in forma composicionis in concambium possessionis Sendgyurgh et silue Leske vocatarum sibi et suo Monasterio perpetualiter date, legitime vellet introire, si contradiccio cuiuspiam sibi non obviaret in hac parte. Super quo vestram amiciciam presentibus requirimus reuerenter, quatenus vestrum mittatis hominem pro testimonio fidedignum quo presente Nycolaus vel Jobannes nobiles de Mera, aut Magister Nycolaus Chol dictus de Zenthmyheltek alijs absentibus homo noster, presentibus vicinis et commetaneis predicte 218possessionis Bagartelk vocate legitime inibi conuocatis, ad faciem eiusdem accedendo reambulet per veras suas metas et antiquas, novas iuxta veteres in locis necessarijs erigendo, reambulataque, et ab aliorum possessionariis juribus legitime separatam et distinctam, statuat eandem eidem Lazaro Abbati et suo Monasterio eo jure, quo ex causis premissis ipsis dinoscitur pertinere perpetuo possidendam, si per aliquos non fuerit contradictum, contradictores vero siqui fuerint, citet ipsos contra prenotatum Lazarum Abbatem in nostram presenciam ad terminum competentem rationem contradicionis ipsorum reddituros. Et post hec ipsius possessionarie introduccionis et statucionis ac metarum nouarum erecionis seriem cum nominibus contradictorum et citatorum, siqui extiterint terminoque assignato in vestris litteris nobis amicabiliter rescribatis. Datum in villa cruciferorum prope Tordensem ciuitatem in festo Beati Michaelis Archangeli, anno Domini millesimo CCş. LXXXXş. nono.

(Teutsch és Firnhaber id. m. I. köt. 211. l.)