Nos Capitulum Jauriensis Ecclesie damus pro memoria, quod discretus vir magister Nicolaus, Prepositus Castri Ferrei, tam pro se, quam pro Capitulo Ecclesie sue ab una parte; nobilis vir magister Herbordus filius Comitis Herbordi de genere Osl ex altera, coram nobis personaliter constituti, super causa, quam idem dominus Prepositus contra eundem magistrum Herbordum in quindenis. Pentecostes mouebat seu mouere intendebat coram domino Rege, per amicabilem composicionem proborum et nobilium virorum, uidelicet magistrum Carachyni Prepositi Ecclesie nostre, Dominicij Prepositi Ecclesie Beati Adalberti de Jaurino, Angeli Custodis Ecclesie nostre, et Emerici Archidiaconi Musuniensis; item magistri Osl filij Osl Bani, Comitis Dionysij filii Bartholomei de Vezeken, Dionisij filii Gazmani de Gyrmolth, super facto possessionis Ilmeuch uocate in Comitatu Supruniensi existentis, quos probos viros partes communiter adduxerant, in huiusmodi concordiam seu composicionis formam se deuenisse retulerunt: Quod ne inter partes ulterius contencio moueatur in dicta possessione Ilmeuch talem diuisionem inter se partes fecerint, per quamdam viam, que ab oriente - - - 222Ecclesie Beati Martini in eadem Ilmeuch constructe distenditur usque ad latus curie Philippi de eadem Ilmeuch, (et) separat partem dicti domini Prepositi ab aquilone, et porcionem Herbordi a meridie; deinde cum per eandem directam viam deberet veniri ad portum arundineti per aquas Ferteu distincti de eadem villa Ilmeuch, a parte Ferteu due mansiones cesserunt Preposito sepe dicto ab aquilone, terciam autem mansionem, eisdem duabus mensionibus a meridie contiguam et vicinam, reliquerunt eo modo; quod si ipsam dominus Prepositun is eadem villa Ilmeuch cum honestate sue dignitatis nomine Ecclesie sue recipere voluerit, erit sua; et si sua fuerit, super eadem mansione; alioquin super alia mansione, ut premisimus, erigetur meta, et per eandem metam intrabit in arundinetum seu paludem; et circumscripcione illius mete uadit versus occidentem equa diuisione ad piscinam Homfeu uocatam, et cum illue peruenerit, ipsam piscinam Homfeu ad ius Prepositi separant arundines a piscina Buur, que est piscina dicti magistri Herbordi; et abhinc diuisio huiusmodi in aquis protenditur usque ad Ferteu magnum, porcionibus videlicet Prepositi ab aquilone, et magistri Herbordi a meridie semper remanentibus. Item Patronatum Ecclesie Beati Martini superius dicte cum ambitu cimiterij sibi communiter reseruarunt. Item quamdam piscinam Zyktou vocatam, que est iuxta predictam Ecclesiam, et a meridie tendit uersus aquilonem, in duas equales partes communiter diuiserunt; ita, quod pars Prepositi cessit sibi a parte ville et terre sue ab aquilone, porcio vero magistri Herbordi remansit similiter ex parte ville sue a meridie. Item cum terminus ipsius piscine in pura aqua uenerit ad terras arabiles, qui terminus ab aquilone tendit uersus orientem, hoc ita ordinauerunt, quod erectis metis usque dum predicta possessio protenditur ab aquilone, pars seu ius Prepositi; a meridie vero dicti magistri Herbordi pacifice remanebunt. Nec hoc pretermittimus, quod partes propter maioris certitudinis cautelam taliter se invicem obligauerunt; quod si qua earum parcium presentem composicionem non tolerauerit, et ad feriam sextam post festum Apostolorum Petri et Pauli unum ex nobis pro testimonio ad uidendam et ratificandam diuisionem ducere non curauerint, sicut ydem partes 223sponte assumpserunt, et in quocunque articulo refricatum fuerit, in premissis pars, que predictam composicionem contempserit, sine strepitu judicij amittet in prefata Ilmeuch possessione, in terris et in aquis, suam possessionem. - - - - - - -

(Eredetie a Nemz. Muzeum kézirati gyűjteményében.)