A. B. C. D.

Vniuersis Christi fidelibus, presentes litteras inspecturis Capitulum Ecclesie Posoniensis salutem in salutis auctore. Ad vniuersorum noticiam tenore presencium volumus peruenire, quod constitutis personaliter coram nobis Comite Karulo filio Alexandri pro se et pro filio suo, ac pro omnibus cognatis et amicis suis ab una parte; Petro uero filio Martini pro se et pro Petus, filio magistri Zoerardi, et pro omnibus cognatis, amicis, et seruientibus suis ab altera; idem Comes Karulus est confessus viua uoce, quod licet mota fuerit materia questionia inter ipsos super morte Dominici, fratris eiusdem Karuli, illata per Petrum, et per patrem suum Comitem Martinum, et magistrum Zoerardum, ac per alios cognatos, amicos et seruientes eorundem; ad ultimum tamen mediantibus, probis viris, videlicet nobili uiro Comite Iruzlao Curiali Comite Posoniensi, Jacobo Magno et Petro fatre (így) eiusdem, Farcasio et Petro de Ouga, ac Ladislao filio Stephani, in talem pacis concordiam deuenissent: Quod predictus Petrus et Petus debeant soluere predicto Karulo sexaginta 224marcas pro morte prefati Dominici fratris sui, quas quidem sexaginta marcas ijdem Petrus, et Petus soluerunt plenarie Karulo supradicto coram nobis personaliter comparenti; et sic idem Karulus, tam de se ipso et filio suo, quam ab omnibus cognatis et amicis suis de morte Dominici fratris sui eosdem Petrum et Petus, cognatos, amicos et seruientes eorum vniuersos, reddidit penitus expeditos. Obligando, quod de cetero, nec ipse Karulus aut filius eius, nec cognati sui racione predicte mortis contra Petrum et Petus, aut ipsorum posteritates ullo unquam tempore mouere poterunt questionem; si quis uero mouere questionem uoluerit, tenetur ipse Karulus cum filio suo, cognatis, et amicis suis vniuersis, ipsos Petrum et Petus expedire proprijs suis laboribus et expensis. Hijs ita finitis atque peractis, omnes possessiones ipsorum Petri et Petus, cum molendino, et omnibus utilitatibus suis, idem Karulus reddidit et restituit iisdem ex integro, Verekne, et Nir vocatas; aduertendo, quod ipse Comes Karulus litteras, quas habuit super premissis articulis emanatas, restituit eisdem Petro et Petus; et insuper prestitit sacramentum, quod non haberet litteras Regales super occupacione possessionum eorundem, nec litteras Capitali, nec Palatinales, nec judiciales, nec Comitum; et eciam si aliquas litteras reinuenire posset, redderet eisdem; si uero reinuenire non posset, omnes ille littere de cetero essent inanes, et penitus uiribus vacuate; et specialiter et nominatim molendino eorundem Petri et Petus super aquam Nir, quod ipsum (?) eisdem idem Comes Karulus restituit pleno iure. In cuius rei memoriam presentes nostras concessimus litteras, sigilli nostri munimine roboratas, anno Domini M. CC. nonagesimo nono.

(Hártya. A még ép pecsét fehér zsinegen függ. Pozsonykáptalani országos levéltár. Capsa XIV. Fasc. 20. Nro 4. Knauz.)