Nos Capitulum Ecclesie Jauriensis damus pro memoria, quod constitutus coram nobis honorabilis vir magister Seraphinus Prepositus Posoniensis nomine suo et nomine Capituli Ecclesie sue, sua nobis protestacione demonstrare curauit et dixit, quod cum possessio quedam Turne, seu Chukarfoluua (így) vocata, in Comitatu Posoniensi existens, ad Ecclesiam suam Posoniensem pertineret, et in corporalem possessionem dicte possessionis Prepositus et Capitulum Ecclesie Posoniensis ad mandatum et preceptum domini Regis inducti fuissent, et pluribus annis pacifice eam possedissent; Nicolaus filius Johanka (így) de Nek, Petrus Rufus, Chama de Paka et Nicolaus dictus Bud, Nobiles de Comitatu Posoniensi ipsos Prepositum et Capitulum de possessione ipsa contra Deum et justiciam, non obstantibus litteris et instrumentis, eciam a se ipsis eisdem coucessis, per potenciam magistri Mathei de Trinchinio et Comitis Posoniensis expulissent et eiecissent, ipsam sibi possessionem occupando; ex qua expulsione et vsurpacione Ecclesia ipsa Posoniensis dampna magna et grauia, ac iniuriam non modicam passa extitisset. In cuius protestacionis testimonium presentes, ad 243peticionem dicti magistri Seraphini Prepositi, nostro fecimus sigillo consignari, et eidem Preposito assignari. Datum in festo Beati Marci Ewangeliste anno Domini Mş CCş nonagesimo - - -.

(Hártya. Küljén a pecsétnyomó. Az év végszáma kitépve, Pozsonykáptalani magánlevéltár, Capsa E. Fasc. 4. Nro. 107. Knauz.)