Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus tam presentibus, quam futuris presens scriptum inspecturis salutem in omnium saluatore. Ad vniuersorum noticiam harum serie volumus peruenire, quod Magister Gallus Custos Albensis, specialis clericus Domine Regine karissime consortis nostre, vice et nomine eiusdem exhibuit nobis priuilegium Comitis Stephani Vice-Judicis Curie nostre super facto quarumdam terrarum seu possessionum Zurchuk et Arkybanazurchuk vocatarum confectum, petens a nobis cum instancia, ut eundem (így) ratificare et approbare, et de benignitate Regia nostro priuilegio dignaremur confirmare. Cuius quidem priuilegii tenor talis est:

Nos Comes Stephanus Vice-Judex Curie domini Regis stb. (mint fentebb 154. sz. a.)

Nos igitur iustis peticionibus eiusdem (így), ipsum priuilegium non abrasum, non cancellatum, nec in aliqua sui parte viciatum ratum habentes et acceptum, de verbo ad verbum presentibus inseri fecimus duplicis sigilli nostri munimine roborando. Datum per manus viri discreti Magistri Stephany Archidiaconi Albensis Ecclesie Transsiluane aule nostre Vice-Cancellarii dilecti et fidelis nostri, anno Domini millesimo trecentesimo, sexto kalendas Junii, Renni (így) autem nostri anno decimo.

(Eredetie a veszprémi káptalan levéltárában.)