Andreas Dei gratia Rex Hungarie etc. etc. fidelibus nostris Capitulo Varadiensi salutem et gratiam. Gregorius filius Apa nobis dixit, quod Ladislaus filius Luca quoddam monasterium suum Dyenus monostura vocatum potentialiter et indebite occupatum detineret in ipsius prejuditium non modicum et gravamen; quare fidelitati vestre precipiendo mandamus, quatenus mittatis hominem vestrum idoneum pro testimonio, coram quo venerabilis pater Capituli ejusdem loci, homo noster juxta tenorem privilegii sui, super dicto monasterio confecti, domum monasterialium statuat eidem, si non fuerit contradictum, contradictores vero si qui fuerint ad noatram citet presentiam, ad terminum assignatum, ac nomina contradictorum nobis rescribatis. Datum in valle Rad Dominico die ante festum Beati Joannis Apostoli.

(Teutsch és Firnhaber Urkundenb. zur Gesch. Siebenb. I. köt. 224. l.)