Andreas Dei gracia Rex Hungarie, fidelibus suis vniuersis collectoribus tam denariorum, quam victualium pro tempore constitutis salutem et graciam. Cum vniuersi populi religiosarum et Deo deuotarum dominarum sororum de Insula Virginis Gloriose, vbique locorum in Regno nostro existentes, iuxta tenorem priuilegiorum dominorum St(ephani) et Ladislai, Illustrium Regum Vngarie, karissimorum fratrum nostrorum patruelium, ac nostrorum, ab omni genere collectarum, denariorum scilicet et victualium, pure et simpliciter sint exempti, fidelitati vniuersitatis vestre precipimus firmiter et districte, quatenus dictos populos occasione collectarum, quocunque nomine censeantur, non presumatis aliquatenus molestare, uel exigere aliquid ab eisdem; et aliud facere non presumatis ullo modo, alioquin indignacionem nostram sencietis grauiter incurrisse. Datum Bude in octauis Epiphaniarum Domini, anno eiusdem Mş CCCş primo.

(Eredetie a budai kir. kamarai levéltárban.)