Capitulum Ecclesie Beati Michaelis Archangeli Transsiluane vniuersis Christi fidelibus presens scriptum inspecturis salutem in omnium saluatore. Vniuersorum noticie tam presencium quam futurorum harum serie declaramus, quod Thomas filius Petri de Warda, presencialiter coram nobis constitutus, et confessus se totalem medietatem cuiusdam possessionis sue Buzd uocate, indistincte, indivise et inseparate, absque metis, signis seu terminis, tam in terris arabilibus, quam in alijs, uidelicet pratis, fenetis, siluis, uirgultis et nemoribus, ut per suos progenitores ipsa terra ab antiquo est habitata et possessa, dedisse, tradidisse et irreuocabiliter uendidisse, pro duodecim marcis fini argenti Comiti Herbordo filio Heneng de Winc, possidendam iure perpetuo per filios filiorum, acceptis et plene habitis ipsis duodecim marcis per ipsum Thomam, ut idem dixit, a Comite Herbordo prenotato. Que quidem possessio a parte meridionali terris uille Ruhcmark, a parte occidentali terris filiorum Cheel, Spreng uocatis, a parte uero septentrionali et orientali terris Scekes commetatur. Vt igitur presens uendicio et empcio perpetuo perseuerent, ad instanciam et peticionem Thome ac Herbordi predictorum presentes concessimus litteras munimine autentici sigilli nostri communitas - - Datum anno Domini -

(Teutsch és Firnhaber id. m. I. köt. 223. l. l. fent a 173. számot.)