Bartolomeus Dei gracia Episcopus Vesprimiensis, Arnoldus Comes Saladiensis, Ladizlaus Comes, Magister Zlandus Lector Albensis Ecclesie, Rednaldus, Tiburcius, Marcus, Bata, Elias, Enoc et Damassa Comites omnibus, ad quos presentes littere peruenerint, salutem in Domino Jesu Christo. Ad uniuersorum uolumus peruenire noticiam, quod cum essemus inquisitores ueritatis in Parrochia Zaladiensi super terris, uineis, et super aliis iuribus Ecclesiarum, seruientum Regis, castrensium, vduornicorum, populorum Regine, et aliarum diuersarum condicionum ab Illustri Rege Bele constituti, accessimus ad terram Magistri Michaelis, sitam inter Drauam et Muram, et ibidem multorum testimonio et occulta subtilique inuenimus inquisicione, quod dicta terra fuerat quondam Rapolti et Sulc, sed ipsi amiserunt pro interfeccione cuiusdam nobilis de partibus illis, videlicet Fridrici; sed scientes omnem ueritatem nos, quod terra illa fuerat a Magistro Micaele de iure possessa, sibi restituimus perpetualiter possidendam; introducentes ipsum in possessionem eiusdem terre per Magistrum Mathiam Canonicum Quinqueecclesiensem hominem Regis. Et ut hoc sibi stabile et firmum possit permanere, et nullo unquam tempore calumpnia aligna retractari, concessimus ad hoc presentes litteras munimine nostrorum sigillorum roboratas, anno Domini Mş CCş XXXş VIş.

(Eredetie bőrhártyán, a hártyazsinegen függött pecsétek elvesztek, a budai k. kamarai levéltárban.)