Bela Dei gracia Hungarie, Dalmacie, Chroacie, Rame, Seruie, Gallicie, Lodomerie Cumanieque Rex, omnibus Christi fidelibus paginam presentem inspecturis salutem in uero salutarj. Ea, que legitime ordinantur, firma debent et perpetua permanere; et ne in rediciue questionis scrupulum relabantur, authoritate Regia conuenit comunirj. Hine, est, quod ad vniuersorum noticiam harum tenore uolumus peruenire, quod accedentibus ad presenciam nostram Abbate et Conuentu Monasterij Sancti Benedicti de Grana, grauem eorumdem recepimus querimoniam contra Comitem nostrum de Zolum super eo, quod idem terciam partem tributi de tribus uillis, Geznecha scilicet, Gelednek et Cristur, ad ipsorum monasterium pertinentem, occasione duarum parcium eiusdem tributi, que ad nos pertinent, sibi usurparet. Cum ergo nobis constitisset ad plenum, terciam partem memorati tributi ad monasterium antefatum pertinere; eidem duximus restituendam, iure perpetuo quiete et pacifice ab eodem possidendam. Vt ergo memorata restitucio, legitime facta, salua semper et inconcussa permaneat, nec possit ab aliquo imposterum iam tociens dictum monasterium inquietari super ipso, seu molestari; presentes in perpetuam rei firmitatem, litteras duximus concedendas, dupplicis sigilli nostrj munimine perenniter roboratas. Datum in Zolum anno gracie millesimo CCş XXXş septimo, XXIIş kalendas Decembris, Regni autem nostri anno tercio.

(Knauz Nándor, Magyar Sion II. köt. 437. l.)