- - Prefatus Georgius in sua et predicti Johannis personis quasdam duas litteras, vnam domini Bele olim Regis Hungarie clausam annum sue emanacionis non habentem; et secundam Arnoldi Comitis Zaladiensis in anno Domini millesimo ducentesimo tricesimo septimo confectam nobis presentauit. In quarum vnius, videlicet ipsius domini Bele Regis littere continencia Comiti Arnoldo transmissa inter cetera habebatur; quod accedens ad presenciam ipsius domini Bele Regis Comes Panus sibi conquerendo dixisset, quod Haholdus Comes composicionem per ipsum Comitem Arnoldum factam et ordinatam transgrediens, metas terre sue Gostolia, prout in litteris suis Regalibus contineretur, per fidelem capellanum suum Paulum sacerdotem ipso Comite Arnoldo presente assignatas, destruxisset; vnde ipse dominus Bela Rex hys perceptis eidem Comiti Arnoldo mandasset, quatenus visis eisdem litteris suis ad dictam terram personaliter accederet cum prenotato Paulo sacerdote, et si dictum Haholdum Comitem aliquid contra composicionem factam fecisse videret, moneret hoc in melius reformari; alioquin eidem terminum assignaret coram Sua Regia Excellencia comparendi competentem, et super premissis contra Panus Comitem respondendi, et citacionem in presenciam suam Regiam factam cum rei serie sibi in suis litteris ipse Comes Arnoldus fideliter intimaret. In secunde vero, scilicet ipsius Arnoldi Comitis Zaladiensis littere priuilegialis tenore inter alia habebatur, quod dominus Bela Rex per litteras suas ipsi Comiti Arnoldo precepisset, vt ad terram Panus de Goztolya, quam terram antecessores sui descendissent, de qua terra Panus predicto domino Bele Regi fuisset conquestus, quod ab eo ipsam terram idem Comes Arnoldus voluisset auferre; ipse vero Comes Arnoldus conuocatis jobagionibus castri ad dictam terram accessissent, et cum multis alijs eciam circumquaque adiacentibus vicinis, metas illius terre ipse Comes Arnoldus circuisset. Cuius prima meta terre inciperet ab oriente in fine vinearum Nempty prope arborem sorbelli, et ibi teneret metam cum villa Batnyk; deinde iret ad vallem, et de valle iret inferius ad viam, et ibi teneret metam cum villa Prathnyk; deinde transiret viam, et haberet metam cum villa Radusta; postea iret inferius in vna valle inter duas metas, et descenderet inferius, et transiret magnam vallem per medium, et ibi teneret metam de villa Radusta; et deinde iret inter duas vineas alte ad magnam viam ad meridiem, et ibi teneret metam cum villa Radusta; et per eandem viam iret ad caput fagi; et deinde tenderet ad montem Regis, et ibi teneret metam cum Comite Hahold; et inde iret ad magnum montem, et tenderet ad aquilonem per magnam vallem; et inde transiret et ascenderet ad viam magnam, et ibi teneret metam cum villa Radwan; et inde iret ad partes Nemith per magnam viam, et in eadem via essent due mete, et ibi teneret metas cum Nemith; et inde descenderet ad Lipponik, et transiret Liponicum, et iret per vallem, et ascenderet per montem, et ibi essent mete, et tenerent metam cum Nemith; et inde descenderet per longam vallem, et per eandem vallem intraret ad aliam vallem, et ibi teneret metam cum terris Dwgluse; et inde iret alte, et in capite vallis esset vna via, et in via esset meta, et teneret metam eciam cum terris Dwgluse, et per eandem viam iret ad prenominatas metas dicti sorbelli. Et cum dictas metas jobagiones castri et vicini non contradixissent, super hoc ipse Comes Arnoldus dedisset litteras suas Pano dicto niemoriales sub suo sigillo eamanatas. - - -

(Kont Miklós nádornak 1360-ki itéletleveléből, mely a Gosztolyai György és János, s Miklós, István bánnak fia, és a királyné főtárnokmestere közti Gosztolya birtok határaira nézve keletkezett egyességet megerősíti, s mely a mélt. báró Mednyánszky család beczkói levéltárában őriztetik.)