Nos Stephanus Diuina prouidencia Episcopus Zagrabiensis et Regni Sclauonie Vicarius Generalis memorie commendantes tenore presencium significamus, quibus expedit vniuersis, quod cum Georgius, Petrus sacerdos et Boleta, filij Valentini, filij Samsonis de Kyristalfelde legitime citacionis modum obseruando, Nicolaum filium Stephani, filij Laurencij de eadem contra se in presenciam olym Leustachij dicti Regni Sclauonie Bani predecessoris nostri attraxissent in causam, ipsaque causa diuersis prorogacionum cautelis et terminis interuenientibus, medio tempore honore dicti Banatus ex Dei gracia et domini nostri Regis deleccione in nostram personam transscendendo, ad presentes octauas festi Beati Martini confessoris dilatiue deuenta extitisset, tandem ipso termino occurrente predicti Georgius et Petrus sacerdos filij Valentini pro se personaliter, et pro predicto Boleta fratre ipsorum cum litteris procuratorijs Capituli Chasmensis Ecclesie iuxta continenciam priorum litterarum nostrarum prorogatoriarum ad nostram judiciariam accedentes presenciam, contra eundem Nicolaum filium Stephani in figura nostri judicii dixerunt proponendo isto modo: quod idem Nicolaus filius Stephani quandam possessionariam porcionem condam Petri filij Iwan dicti Chech in dicta possessione Kyristalfelde iuxta fluuium Thoplicha uocatum sitam et adiacentem, in qua videlicet porcione possessionaria ipsi mortuo prefato Petro dicto Chech iuxta Regni consuetudinem porcionem habere deberent, omnino pro se occupasset, et occupatam detineret ac vteretur; cuius possessionarie detencionis scire vellet racionem ab eodem. Quo percepto idem Nicolaus filius Stephani personaliter exsurgendo respondit ex aduerso, quod predicta porcio possessionaria, que condam erga prefatum Petrum dictum Cheh fuisset, olym Drugani filij Bayleta prothaui sui extitisset, et ob hoc prefatis filijs Valentini in nullo attineret, sed ad ipsum de iure deberet pertinere. Et ibidem ad suorum verborum comprobacionem quasdam litteras olym domini Bele Dei gracia incliti Regis Hungarie beate recordacionis anno ab Incarnacione Domini millesimo CCş XXXş nono, septimo idus Novembris Regni sui anno quinto, priuilegialiter emanatas, nostro judiciario examini presentauit; in quibus inter cetera habebatur, quod karissimus frater dicti domini Bele Regis Rex Colomanus et Dux tocius Sclauonie eidem significasset, quod cum terra Drugani filij Bayleta esset uicina cuidam predio ipsius domini Colomani Ducis nomine Wereytiche, considerata vtilitate ipsius terre et vicinitate, eandem sibi dictus dominus Colomanus Dux ad predium supradictum recipiens, dicto Drugano pro concambio terre illius quandam terram castri Symigiensis nomine Thoplicham in Garygh certis metis distinctam fecisset assignari, cuius quidem terre mete in eodem priuilegio seriatim continentur. Dehinc idem Nicolaus filius Stephani quasdam litteras domini nostri Lodouici Dei gracia Regis Hungarie in anno proxime transacto similiter priuilegialiter exortas nobis curauit exhibere, inter cetera denotantes, quod idem Nicolaus filius Stephani dicti Arthow de Kyristalfelde ad Sue Serenitatis accedens conspectum, predictas litteras ipsius condam domini Bele Regis super prenotata terra ipsius condam Drugani Thoplicha vocata confectas, Sue Celsitudini presentando humiliter et deuote, Sue Regie Maiestati in eo supplicasset, vt predictam terram ipsius condam Drugani, eo quod ipse per dominam matrem suam ex linea predicti condam Drugani naturaliter extitisset propagatus, sibi et suis heredibus noue donacionis sue tytulo dare et conferre, ipsumque priuilegium dicti domini Bele Regis pro ipso et suis heredibus acceptando ratificare et suo Regio dignaretur priuilegio confirmare; ipsa itaque dominus noster Lodovicus Rex in hac parte fauorabiliter inclinatus, pretactum priuilegium ipsius domini Bele Regis acceptans, ratificans et pro eodem Nicolao confirmans, predictam terram stb. Datum Zagrabie sedecimo die termini prenotati anno Domini millesimo trecentesimo sexagesimo tercio.

(Eredetie bőrhártyán, melyről a püspöknek pecsétje selyemzsinóron függ, a budai kir. kamarai levéltárban.)