Gregorius Episcopus seruus seruorum Dei dilecto filio ... Archidiacono Baziensi Colocensis Diocesis, salutem et Apostolicam benedictionem. Probitatis tue merita nos inducunt, ut personam tuam specialis favore gratie prosequamur. Tuis itaque supplicationibus inclinati, specialcm tibi, de quo laudabile nobis testimonium perhibetur, gratiam facientes, devotioni tue auctoritate presencium indulgemus, ut Archidiaconatum Baziensem et prebendam Waradiensem, qne canonice te proponis adeptum, libere valeas retinere, dummodo in Ecclesia Baziensi personaliter deservias, et in Waradiensi facias per idoneum Vicarium deserviri. Datum Laterani VIII. idus Februarii (Pontificatus nostri) anno XIIII.

(Theiner, Monumenta Historica Hungariam Sacram illustrantia. I. köt. 177. l.)