Vninersis presentes litteras inspecturis Nos Strigoniense Capitulum salutem in Domino Jesu Christo. Nouerit vniuersitas uestra, quod nos locauimus Magisteo Ade speciario, ciui Strigoniensi, pro se et heredibus suis legitimis, et non extraneis, quandam domum nostram lapideam, sitam in vico Latinorum Strigoniensium, habentent introitum et exitum ante cameras mercimoniales, et conterminam vico, qui de dictis cameris mercimonialibus ducit ad ecclesiam Sancti Nicolai Strigonii, ab hac die, videlicet Sancti Michaelis Archangeli, usque ad viginti annos proxime futuros, hoc pacto et hys condicionibus interuenientibus; quod idem Magister Adam uel heredes sui primo anno tenentur nobis soluere duas marcas boni et legalis argenti in terminis infrascriptis; secundo anno duas marcas et dimidiam; tercio uero anno duas marcas et tres fertones; quarto uero anno tres marcas, et sic deinceps usque ad vicesimum annum integraliter tenetur soluere proxime dictas tres marcas annuatim. Hoc saluo, quod de dictis marcis singulis annis nobis persoluendis retinere debent dimidiam partem pro edificacione quatnor parietum lapideorum, in altitudine stacione unius de bono et legali opere, a die predicte locacionis usque ad finem quinti anni proxime futurj; aliam uero dimidiam partem debent persoluere in hys tribus terminis; primo uidelicet in Circumcisione Domini, secundo in festo Apostolorum Philippi et Jacobi, et tercio in festo Sancti Egidij, uel quintodecimo die post quemlibet predictorum terminorum. In fine uero quinti anni debet fieri per bonos uiros estimacio operis iamdicti, et donec ipsam estimacionem integre perceperint, ut supra dictum est, debite nobis pensionis dimidiam partem retinebunt. Qua precepta, extunc singulis futuris annis usque ad vicesimum iamdicte locacionis annum integre debent soluere sepedictam trium marcarum argenti pensionem in terminis ad hoc superius deputatis. Quam solucionem si prefatus Magister Adam, uel eius heredes negligerent, uel alias in prescriptis terminis facere recusarent, uel opus iam dictum statuto tempore non conplerent; ipse et ipsi heredes extunc priuentur iure predicte conduccionis, licitumque sit nobis in alteram quamcunque uoluerimus partem predictam transferre locacionen, et nichilominos ipsi ad dampna et interesse teneantur. Dicta autem edificia, si aliqua indiguerint reparacioem, ab illa die qua completa erunt, usque ad finem vicesimi anni, idem Magister Adam uel eius heredes ea proprijs expensis reficere teneantur; et si igne proprio, quod absit, exurerentur, similiter ea propriis expensis reficiant. Si uero igne alieno, uel hostium insaltu deuastarentur, tunc super reparacione eorum Regni consuedudo (így) obseruetur. Si autem omnibus supradictis rite peractis, sepefatus Magister Adam, uel eius heredes legitimi, completo tempore sepenominate locacionis, viginti annorum videlicet, supradictam domum cum edificatis in ipsa de nono reconducere a nobis uoluerint; bona fide promittimus eidem Magistro Ade, suo et heredum suorum nomine stipulanti, quod pro ea pensione, quam tune aliquis alius conductor offerret, non in fraudem, ipsis eadem relinquemus et locabimus, quilibet (így) aliis conductoribus eos quantum ad hoc preponendo. Et si ipse uel eius heredes tunc nollent dictam domum reconducere, prout iam dictum est; liceat nobis alteri persone eam locare pro nostre libito voluntatis. Et ut presens contractus robur-firmitatis obtineat, presentes litteras sigilli nostrj dedimus munimine roboratas, et ad cautelam consimiles cum alfabeto penes nos retinuimus. Actum Strigonij in ecclesia Sancti Adalberti, anno Dominice Incarnacionis millesimo ducentesimo quadragesimo secundo, mense Octobris, in festo Sancti Michaelis Archangeli.

A B C D E

(Az eredeti után Knauz Nándor, Magyar Sion II. köt. 521. l.)