A B C

Capitulum Ecclesie Nitriensis omnibus Christi fidelibus, ad quos presens scriptum venerit, salutem in vero salutari. Ad uniuersorum noticiam tenore presencium uolumus peruenire, quod Andornyk filius Andree, et Martinus filius Puyne de uilla Korsak, Borsensis Castri jobagiones pro se, Bors et Barleo filiis Bothus, nec non pro Falch filio Farcasii de eadem coram nobis personaliter constituti, quandam particulam terre de terra Thulmach, quam ab Ecclesia Sancti Benedicti cum litis materia proponebant alienare, considerantes tandem, non ad ipsos, sed ad Ecclesiam pertinere, prenotatam reliquerunt eidem cum omnibus suis vtilitatibus, unam marcam argenti racione expensarum recipientes ab eadem perpetuo seu pacifice possidendam. Promittentes similiter expedire particulam terre pretaxatam, si per quempiam processu temporis retractaretur. In cuius rei memoriam presentes litteras concessimus sigilli nostri munimine roboratas, anno Domini Mş CCş LXş IIş quarta feria post diem Ascensionis Domini, Magistro Demetrio Ecclesie nostre Lectore existente.

(Eredetie bőrhártyán, a vörös selyemzsinóron függött pecsét elveszett, a budai kir. kamarai levéltárban.)