Bela Dei gracia Hungarie, Dalmacie, Croacie, Rame, Seruie, Gallicie, Lodomerie Comanieque Rex vniuersis Christi fidelibus tam presentibus quam futuris presentes litteras inspecturis salutem in Domino sempiternam. Regie benignitatis gracia peticionibus suorum fidelium pio consueuit assurgere cum fauore, et ipsorum desiderium iuxta suorum meritorum exigenciam laudabiliter admittere, vt eo uiso sub Principe gracioso discant ceteri deuocius famulari. Ad vniuersorum igitur noticiam tenore presencium uolumus peruenire; quod Magister Demetrins filius Comitis Syxti de genere Aba dilectus et fidelis noster ad nostram accedens presenciam, exhibuit nobis priuilegium Excellentissimi domini Andree victoriosissimi Dei gracia Regis Hungarie patris nostri karissimi felicissime recordacionis confectum super donacione terrarum, Salan videlicet, Waarassukulo et Hasay uocatarum de Comitatu Byhoriensi; item Peel et quartam partem (így) terre Patha et Byna de Zurduk in Comitatu Noui Castri, petens cum instancia, ut nos ipsum priuilegium ratum habere, et nostro dignaremur priuilegio confirmare. Cuius quidem priuilegij tenor talis est:

In nomine stb. Andreas stb. (következik II. Endre királynak 1234-ki adománylevele, mint a jelen Okmánytár I. kötetében 345. sz. a.)

Nos itaque, qui ex officio suscepti regiminis nostri metiri debemus merita singulorum, et dignis pro meritis respondere, vt illorum exemplo alij ad fidelitatis opera feruencius inducantur. Propterea fidelitatem et fideles famulatus predicti Magistri Demetrij, qui karissimo fratri nostro Regi C. et nobis ac toti Regno in diuersis seruicijs et Regni nostri gerendis, multipliciter inpendit recensentes, peticionem eciam eiusdem D. fore legitimam et dignam attendentes in hac parte, ipsum priuilegium karissimi patris nostri inspicientes non rasum, non cancellatum nec in aliqua sui parte viciatum de uerbo ad uerbum presentibus inseri fecimus, et iam dictam collacionem eiusdem patris nostri karissimi de dictis terris memorato Magistro D. factis ex certa sciencia et mera liberalitate confirmamus; ita, quod presens nostra confirmacio prioris donacionis domini patris nostri perpetuum sit robur et munimen. Volentesque, ut idem Magister D. et eius heredes heredumque successores tam predictas terras, quam vtilitates earum vniuersas possideant pacifice et quiete, in illis et eisdem metis, secundum quod in priuilegio karissimi patris nostri uidimus contineri. Vt igitur premisse donacionis et confirmacionis series robur obtineat perpetue firmitatis, nec per quempiam processu temporum ualent retractari, uel in irritum reuocari, presentes litteras concessimus dupplicis sigilli nostri munimine roboratas. Datum per manus Venerabilis Benedicti Archielecti Colocensis aule nostre Cancellarij anno Domini Mş CCş LXş IIJş. sexto kalendas Decembris. Stephano Strigoniensi Electo, Bartolomeo Quinque-Ecclesiensi, Stephano Zagrabiensi et alijs Ecclesiam Dei feliciter gubernantibus. Ladislao Palatino et Comite Symigiensi, Dyonisio Bano tocius Sclauonie, Demetrio Judice Curie nostre et Comite Musuniensi, Matheo Magistro Tauarnicorum et Comite Posoniensi, Rorando Magistro Dapiferorum, et alijs plurimis Comitatus et Magistratus tenentibus, Regni autem nostri anno octauo.

(Eredetie bőrhártyán, melyről a király kettős pecsétjének töredéke vörös-zöld selyemzsinóron függ, a kir. kamarai levéltárban.)