Vniuersum Albensis Ecclesie Capitulum omnibus, quibus presentes littere presentate fuerint, salutem in Domino sempiternam. Noseant vniuersi, quod accedens ad nos Ipolitus filius Cwk proposuit coram nobis uiua voce, quod cum consensu fratris sui Pauli, qui eciam suam nobis presenciam exhibuit, et hoc idem affirmauit, totam terram suam, nec non fenetum et locum molendini, ac omnem porcionem possessionariam, quam habebat communem cum fratre suo, seu per se diuisam ab eodem et separatam, vendidisset pro duodecim marcis Magistro Constantino Concanonico nostro, metis vndique antiquis consignatam, commetaneis non contradicentibus; presertim cum ipsa possessio magis affinis esset, et vicinior terris Ecclesie Albensis, quam alijs, et nos uel aliquis de nobis jus emendi et racionem habere debuerit pociorem; precium eciam eiusdem terre ipse Ipolitus confessus est se totaliter recepisse in rebus per uiros idoneos estimatis. Obligarunt insuper se duo predicti, Ipolitus videlicet et Paulus frater suus, quod si processu temporis a Magistro Constantino ipsam possessionem, aut partem eiusdem, quispiam requireret, ambo ipsi eum modis omnibus defendere tenebuntur. Actum anno Dominice Incarnacionis Mş CCş XLş tercio. Magistro Benedicto Ecclesie Preposito, aule Regie Cancellario; Jacobo Cantore, Gallo Custode, Marco Decano existentibus.

(IV. Béla királynak 1248-ki megerősítő okmányából, a főmélt. herczeg Batthyáni családnak körmendi levéltárában.)