In nomine Sancte Trinitatis et Indiuidue Vnitatis. Bela Dei gracia Hungarie, Dalmacie, Croacie, Rame, Seruie, Gallicie, Lodomerie Cumanieque Rex uniuersis Christi fidelibus presens scriptum inspecturis salutem et omne bonum. Tenore presencium uniuersis volumus fieri manifestum, quod cum quasdam possessiones, que ob magnam et notoriam infidelitatem 167suorum possessorum ad manus Regias fuissent deuolute, nos cas karissimo fratri nostro Colomano Regi et Duci tocius Sclauonic pijssime recordacionis contulissemus; quasdam uero idem Rex, quas empcionis titulo possederat, uel alias quoquo modo iusto modo ad eundem deuenerant, sibi pleno et perpetuo iure cum omnibus ipsarum pertinencijs conferendo in perpetnum possidendas, ad peticionem ipsius eo tempore, cum assumpto signo crucis contra Paterinos in Boznam et in terram Rame pro nomine Christi proficisceretur, confirmassemus, terras omnes specialiter et per singulas in litteris nostris secrecioris sigilli nostri munimine, auree uidelicet bulle nostre exprimentes, quas eidem dederamus, ita, quod ex ipsis omnibus liberam haberet facultatem disponendi, conferendi, donandi et quocunque modo alienandi secundum sue beneplacitum voluntatis; accidit, vt Magister Phyle Prepositus Zagrabiensis, atque fratres sui, Thomas Comes et Petrus, per Bertramium fratrem Sytnonis Comitis de Bayoch maritum uxoris quondam Salomonis Bani nomine uxoris sue, super terra Heyreh et eiusdem pertinencijs in nostram fuere citati presenciam; qui nomine uxoris sue eandem terram in ordine iuris coram nobis pecijt restitui, asserens ipsam terram cum suis pertinencijs a priore marito uxoris sue Botyz Comite fuisse collatam; super qua collacione litteras Capituli Albensis, que tamen nullam mencionem faciebant de dicta donacione specialiter, et litteras Capituli Bachyensis alias exhibuit, que etsi mencionem, continebatur tamen in eisdem, quod non in presencia Capituli ipsius, sed coram uno concanonico ipsius Capituli ad peticionem ipsius Batyz transmisso fuerit talis facta confessio. E contra Magister Phyle Prepositus Zagrabyensis pro se et fratribus suis respondit, quod ab eis restitucio peti non debuit, cum iam dicta terra cum suis pertinencijs per karissimum fratrem nostrum Colomanem (így) Regem Ducemque in commutacione quarundam terrarum suarum, utpote pro terra, quam habebant in Wamus ad uiginti aratra donacione ipsius fratris nostri, et super terra Kyliani, quam habebant empticiam iuxta eandem, super qua litteras Capituli Agriensis (így) exhibuere, et super terra Musch, et duabus uineis Farcasij filij Cebze in Comitatu de Borona, vnde similiter litteras Capituli Quinqueecclesiensis exhibuere, ad cos fuerit deuoluta. Super 168quibus omnibus priuilegium fratris nostri predicti autenticum uidelicet de commutacione facta exhibuit; cuius tenor talis est:

Colomanus stb. (mint fentebb 25. sz. a.)

Et quod idem Rex predictam terram legitime possederit, ipsamque eis de iure dare potuerit, litteras confirmacionis eidem fratri nostro a nobis datas secretioris sigilli nostri munimine auree videlicet bulle nostre nobis presentauit super ipsa terra Heyreh cum suis pertinencijs, et alia Luder nomine, similiter cum suis pertinencijs, quas predicti Magister Phyle et fratres sui in commutacione receptas possidebant; et quamuis Prepositus et fratres sui supradicti satis euidenter et racionabiliter declarassent priuilegium nostrum antedictum, quia tamen, ut plenius apareat causa alienacionis terrarum a domino suo, quia sicut dicitur, veritas sepius exagitata magis splendescit in lucem, ad probandam et excludendam huius rei ambiguitatem litteras Capituli Quinque-Ecclesiarum, in quibus factum iudicium nostrum continetur, quod et nos meminimus, idem Prepositus exhibuit in hunc modum:

Farcasius Prepositus Quinqucecclesiensis stb. (mint fentebb 72. sz. a.)

Nos igitur hys et alijs plenius intellectis, et maxime cum memores essemus uerborum karissimi fratris nostri Regis iam dicti, qui personaliter pecijt a nobis confirmacionem terre iam dicte aliarumque terrarum suarum, cuique credere debuimus et debemus per omnia, respectumque habentes ad confirmacionem auree bulle, que nonnisi comperta ueritate et propria noticia Regia dari consueuit, predictam terram cum suis pertinencijs Heyruh nomine supradicto Phyle Preposito et fratribus suis, quoniam iura ipsorum exibita rei apciora et uero proximiora inspeximus, consensu jobagionum nostrorum adiudicauimus et sentenciauimus iure perpetuo possidendam, predicto Bertramio nomine uxoris sue perpetuum silencium imponentes. Ceterum et hoc patere uolumus vniuersis, quod cum multe ymmo plurime terre et possessiones, quas prius fratri nostro karissimo contuleramus sub predicta confirmacione bulle auree nostre, que usque ad obitum ipsius fratris nostri per eundem non fuerant ordinate nel donate alias, et que iam exigentibus peccatis nostris ipso uiam vniuerse carnis ingresso ad nos sunt deuolute, continerentur; nos ipsam 169confirmacionem, a Magistro Phyle Preposito Zagrabiensi, qui eandem retinebat pro stabilitate terrarum suarum, Heyreh videlicet et Luder, cum earundem pertinencijs, quas predictus frater noster in commutacionem terrarum suarum supra memoratarum, et pro reconpensacione seruiciorum suorum contulerat sibi et fratribus suis, necessario habuimus eandem, et nouimus ad nos recipere et auferre ab eodem; ea tamen adhibita cautela, ut Magistro Phylpe et fratribus suis super terris iam dictis, Heyreh uidelicet et Luder cum suis pertinencijs, que in confirmacione auree bulle nostre dicto fratri nostro collate continebantur eo tenore, ut cuicunque supradictus frater noster terras iam dictas, uel alias quaseunque conferret, firma et perpetua stabilitate permanerent, eisdem aliam confirmacionem auree bulle nostre loco ciusdem, quam recipimus, conferremus, quam et habito omnium jobagionum nostrorum consilio et inspecta confirmacione priore, auree videlicet bulle nostre, duas ipsas terras Heyreh et Luder cum earundem pertinencijs, que a Botyz Comite, prout et per nos et per eundem fratrem nostrum sciuimus ipsius propria et uiua relacione, Magistro Phyle et fratribus suis, Thome Comiti et Petro, in commutacionem terrarum suarum per eundem fratrem nostrum karissimum, et in recompensacionem seruiciorum suorum datas et collatas intelleximus manifeste, sicut per litteras eiusdem autenticas, prout superius, expressas patet et patuit, et nos concedimus et confirmamus firma et perpetua stabilitate eisdem auctoritate Regia permanere, atque in perpetaum robor sibi et suorum (így) successoribus, secretioris sigilli nostri munimine, auree uidelicet bulle nostre corroborari decreuimus. Datum per manus uenerabilis patris Benedicti Colochensis Archiepiscopi aule nostre Cancellarii; Venerabili patre Stephano Archiepiscopo Strigoniensi, Bartholomeo Episcopo Quinqueecclesiensi, Cleto Agriensi, Stephano Zagrabiensi, Blasio Chanadiensi, Artolpho Ultrasiluano Episcopis Ecclesias Dei salubriter gubernantibus; Vincencio iu Episcopum Waradiensem Electo confirmato, Jeuriensi et Vesprimiensi Sedibus uacantibus; Ladizlao Palatino Comite Simigiensi Dyonisio Bano et Duce tocius Sclauonie, Matheo Magistro Tauarnicorum et Comite Posoniensi, Demetrio Judice Curie et Comite Musuniensi, Laurencio Wayuoda Ultrasiluano, Bollondo Magistro 170Dapiferorum et Comite Supruniensi, Mauricio Magistro Pincernarum et Comite Jeuriensi, Stephano Magistro Agazonum et Comito de Vrbaz, Balduino Comite Nitriensi, Henrico Comite Ferrey Castri, ac ceteris Magistratus et Comitatus Regni nostri tenentibus. Anno ab Incarnacione Domini millesimo CCşXLşIIIIş. secundo kalendas Nouembris, Regni autem nostri anno decimo.

(A bácsi káptalannak 1356-ki átiratából, mely a budai kir. kamarai levéltárban őriztetik.)