Innocentius Episcopus seruus seruorum Dei venerabili ... Episcopo quondam Bosnensi, Magistro, et dilectis filiis fratribus Ordinis Predicatorum, salutem et Apostolicam benedictionem. Inter alia, quibus ex iniuncto nobis officio Apostolatus intendimus, religionis Sacre specialiter desiderantes 177augmentum, et ordinem vestrum prerogativa favoris et gratie non immerito prosequentes, cum a sne institutionis exordio laudabilibus continue profecerit incrementis, ipsius ordinis cultum affectione plena diligimus, et cupimus semper votivis in Domino successibus ampliari; eidem ordini sollicite curantes in hiis, que salubria sibi et oportuna cognoscimus, providere. Cum itaque, sicut nobis exponere curavistis, tu, frater Episcope ac Magister, et predecessores tui iuxta eiusdem ordinis consuetudinem observatam hactenus et a Sede Apostolica toleratam, statim postquam electi secundum predicti constituciones ordinis extitistis, fratrum ipsius curam gesseritis, Magisterii officium plene ac libere in omnibus exercentes, iidemque fratres vobis devote ac humiliter obedierint et intenderint reverenter; et in eodem ordine sit statutum, ut Magister ipsius, qui pro tempore fuerit, a magisterii officio amoveri valeat a diffinitoribus Capituli Generalis; nos volentes omnem ambiguitatis scrupulum in hac parte de vestris cordibus amputare, ac ordinem ipsum a Sede Apostolica approbatum, eidem honestate floridum, preclarum scientia et virtute fecundum, privilegio Apostolice gracie attollere singulari, vestris supplicationibus inclinati, ut successores tui, Magister, qui erunt pro tempore, statim postquam electi secundum constitutiones fuerint supradictas, eo ipso veri eiusdem ordinis effecti Magistri, curam animarum fratrum ipsius ordinis plene habeant et libere gerant, ipsosque fratres auctoritate propria ligare ac solvere valeant, nec non in eodem agere ordine, que ipsi et prefati diffinitores iuxta memoratas constitutiones eiusdem ordini et fratribus secundum Deum viderint expedire, aliasque Magisterii officium licite in omnibus exercere, iidemque fratres sibi, Magister, et successoribus ipsis devote ac humiliter obediant et intendant, et prefati successores et tu, Magister, a diffinitoribus Capituli Generalis ipsius ordinis secundum ordinis constitutiones eiusdem absolvi et amoveri possitis, auctoritate presencium habentes ratum et firmum, quicquid super premissis per te, Magister, dictosque predecessores, fratres et diffinitores factum et obseruatum est hactenus; concessa tibi exequendi Magisterii officium, quoad premissa omnia et alia libera facultate, de fratrum nostrorum consilio indulgemus. Nulli ergo omnino hominum liceat hanc paginam 178nostre concessionis infringere, vel ei ausu temerario contraire. Si quis autem hoc attemptare presumpserit, iudiguationem Omnipotentis Dei et Beatorum Petri et Pauli Apostolorum eius se noverit incursurum. Datum Laterani XVI. kalendas Februarii, Pontificatus nostri anno primo.

(Theiner, Vetera Monumenta Historica Hungariam Sacram illustrantia I. köt. 189. l.)