Nos Benedictus filius Syka de genere Papa Uiceiudex Curie domini Regis significamus omnibus presens scriptum inspecturis tam presentibus quam futuris, quod cum Scemeyn Comes Camere domini Regis ex donacione domine Regine quandam terram in villa Boyon possideret, que tamen antea fuerat populorum Regine, et ut eandem cercius et sine contradiccione conterminalium et commetaneorum suorum possit possidere, accepto homine nostro omnes commetaneos et conterminales ad nostram fecit citari presenciam; videlicet Julam de Pruslo, Petrum filium Adriani, Gutus, Nicolaum, Jegdu, Boezlaum, et alium Nicolaum filium Johannis Comitis de genere Katpan; et cum causa ipsorum conterminalium diu coram nobis fuisset uentilata, tamen postea ex precepto domini Regis et domine Regine super ipsam terram personaliter accessimus, interrogantes eosdem conterminales de statu et ordine terre illius; qui responderunt, quod a parte orientali de Tezercut incipiendo, et ascendendo in montem, et postea descendendo per uallem retro uineas ab eadem parte orientali, et transeundo fluuium uenientem de Pelys iuxta uiam, que ducit in Budam, usque dum eadem uia cadit in aliam uiam magnam, que sub monte Nyr similiter de Strigonio uadit in Budam; 179dictus Nicolaus de genere Katpan nullam inter ipsos commetaneos haberet porcionem, preter quadraginta iugera terre, que sub monte Nyr in partem eius deberent peruenire, Nicolao hoc idem confitente; sed illa XL iugera terre idem Nicolaus, contra Mahariam bilotum de Petet ordinario iudicio coram nobis pro predicta causa terre populorum Regine de Boyon conuictus, dicto Scemeyno Comiti per conuencionem in pace dimisit; quia ad perdendam omnem terram suam fuerat, super eadem causa terre per Mahariam nominatum coram nobis conuictus. Et sic terram populorum Regine sitam in villa Boyon, et illa predicta XL iugera terre, contra prenominatum Mahariam pereuidens testimonium plenius in nostra presencia iustificatam Scemeyno Comiti ex precepto domini Regis et Regine perpetuo possidendam certis metis statuimus, nulla particula terre sepedicto Nicolao de genere Katpan in terra ipsius Scemeyn Comitis remanente; prenominatis autem commetaneis: Jula, Petro, Gutus, Nicolao, Jegdu, et Boeslao, partem suam de ipsa non separantibus, sed communiter cum Scemeyno Comite, sicut prius habebant, in pace permittentibus. Mete cuius terre primum incipiunt: A Tezercut ab orientali parte, ubi sunt arbores nucum, et ibi sunt due mete; et postea ascendendo parum sub ylice sunt due mete; abinde eciam ascendendo alcius in uertice eiusdem montis sunt due mete; iterum abinde descendendo per uallem retro foueam uinearum, a parte tamen orientali in latere montis ad arborem piri sunt due mete; item abinde eundo et transeundo fluuium, qui descendit de Pelis, et uenit de domo Nicolai iuxta eandem fluuivm sunt due mete; item abinde uadit iuxta uiam, que tendit uersus Budam, sunt due mete; et iterum iuxta eandem uiam tendit ad pirum, sub qua sunt due mete; et abinde tendit iuxta stagnum, et in rubeto sunt due mete; deinde ubi fons ebullit sub nuce sunt due mete; et abinde tendit ad quasdam arbores, ubi populus et tylia continetur superius fontem poutou (így), et sunt ibi due mete; et per eandem predictam uiam eundo cadit in alteram magnam uiam, que sub monte Nyr de Strigonio similiter uadit in Budam, et sic terra ipsius Scemeyn Comitis a terra sepedicti Nicolai hys metis et terminis distinguitur.

(A keresztesek esztergami konventjének ugyanazon évi átiratából, mint alább 121. sz. a., a budai kir. kamarai levéltárban.)