A. B. C. D.

Vninersis Christi fidelibus, ad quos presentes peruenerint, Nitriensis Ecclesie Capitulum oraciones in Domino Jesu Christo. Significamus tam modernis quam futuris, quod cum Stephanus filius Dragun Comitis, Aule Regie Judex, Comes Nitriensis, de genere Gutkeled; et Paulus filius Nicholai ex eodem genere, in nostri fuissent presencia constituti; dictus Paulus de terris suis hereditario iure possessis, quatuor uillarum terras, certis metis distinetas, vnam uidelicet terram Sceplok nomine iuxta Zomas existentem; alteram secus quendam riuum, ubi fuerat uilla Alus cocitata; terciam, ubi fuerat uilla Micov; quartam uero Vgruch nuncupatam secus aquam Scylab constitutam; et insuper iuxta Lapus terram usui triginta aratrorum sufficientem, cum uno loco Castri eidem Castro adiacentem; uiam eciam securam, que de uilla Sceplok ducit ad idem Castrum; protestatus est coram nobis, eidem Comiti Stephano, ac omnibus ab ipso descendentibus, liberaliter concessisse, iure perpetuo possidendas; propter eximiam cognacionis dileccionem, ac excellentem dileccionis prerogatiuam, quam sibi eundem Comitem Stephanum a sua puericia dixit pre ceteris hominibus elegancias inpendisse. Vt autem huius concessionis series firma et stabilis permaneret, ad peticionem utriusque partis presentes concessimus litteras, in argumentum amplioris fidei, et robur ueri testimonij, sigilli nostri munimine roboratas. Datum anno gracie millesimo ducentesimo quadragesimo sexto.

(Az eredeti után Véghelyi Dezső, Hazai Okmánytár I. köt. 42. l. V. ö. Fejér Cod. Dipl. VII. köt. 3. r. 28. l.)