A. B. C.

Nos Capitulum Ecclesie Sancti Michaelis de Castro Ferreo omnibus notum facimus, quod Iwanca de Seli pro germano suo et filio, et Paulus de Choupse ex una parte respondentes; et Tywan filius Laurencij pro se et filijs et germanis suis, et Gothardus pro se et patre suo scilicet Paulo ex altera respondentes, professi sunt coram nobis, quod ipsi de lite super terra Rum, Marco et fratribus suis spectante, inter eos exorta, et super qualibet controuersia altera, pacem perpetuam condixissent; et super hoc statuerunt coram nobis quatuor uiros fideiussores, Michaelem scilicet filium Moym, Pousam filium Sceh, Bacam filium Johannis, Georgium filium Wota tali modo, quod quecunque parcium predictarum litem aliquam seu controuersiam super terra siue quacunque causa alia acceptaret contra alteram, non recurrens ad fideiussores predictos, in quinquaginta marcis remaneret pro pacis federe uiolato scecundum uerbum fideiussorum predictorum. Quod ut ratum sit, presens scriptum contulimus sigilli nostri federe communitum. Paulo existente nostro Preposito, Roberto Cantore, Ombud Custode, Eymerico Decano. Anno Domini Mş CCş XLş VIş.

(Eredetie a Rumy család levéltárában, másolata a Magyar Tud. Akadémia kézirati gyűjteményében.)