Bela Dei gracia Rex Hungarie fidelibus suis Capitulo Chanadiensis et Orodiensis Ecclesiarum salutem et graciam. Cum hereditarias possessiones suas sibi cedentes, donatas sibi, et traditas, ac acquisitas, Comes Pongracius filius Kelemenus Bani de genere Chanad, existentes in Comitatibus Orodiensi, Chanadiensi, Tymissiensi et Syrimiensi, quarum nomina sunt hec: Pangrachfaya et Pangrachtelke, item Kyusfalw, Zent Lewrencz, quartam partem ville Thembes, Ladan, Palatha; item medietatem ville Beeb cum medietate tributi, sessionem in Pradanmunustura; item sessionem in Wruzlanusmunustura et in Keneuzeumunustura; item medietatem ville Zanath, Chaka, Temorka, Zyntharew cum tributo, Egyhazasker, Rasan, Zent Miklous, Borumlok; item piscinam Pathakthow; item Halaz, Kalanteluk, Kyshwdus, item medietatem Chawas ville cum duobus molendinis; item quartam partem ville Teyes; item Puklussy, Nadasd; item medietatem ville Woffa Illeyse, que alio nomine Kwkenyer vocatur; item Narad in Syrmia; quas suas esse dixit, saluis alijs possessionibus, quas cum sua generacione in istis Comitatibus ac alijs Prouincijs communiter et indiuise dinoscitur possidere, velit et intenderet nobis metis vallare et circumdare, ac antiquas renouare, propter commetaneorum inquietacionem repellendam, et processu temporum suorum successorum euenientes brigas a suis proximis penitus eneruandas; fidelitati Vestre precipiendo mandamus, quatenus mittatis de vobis viros idoneos et fidedignos pro testimonio, coram quibus homo noster Magister Petrus dictus Byluk aule nostre Regie familiaris, conuocatis commetaneis et vicinis nobilibus de genere suo Chanad propter rei euidenciam et iusticiam conseruandam per veteres 221metas reambulet et easdem renouet, et vbi necesse fuerit nouas erigat, ac possessiones omnes predictas eidem Comiti Pangracio et suis successoribus (assignet) pacifice possidendas, si non fuerit contradictum; contradictores vero, si qui fuerint, contra eundem Cemitem Pangracium ad nostram citet presencium ad terminum competentem, et posthac diem citacionis, terminum assignatum, ac nomina citatorum et seriem facti tociusque processus nobis fideliter rescribatis. Datum in AlbaRegia in octauis Purificacionis Virginis gloriose anno Domini millesimo ducentesimo quadragesimo septimo.

(Az említett káptalannak jelentéséből, mint alább 169. sz. a.)