Bela Dei gracia Hungarie, Dalmacie, Choroacie, Rame, Seruie, Gallicie, Lodomerie, Cumanieque Rex omnibus Christi fidelibus presentem paginam inspecturis salutem in eo, qui dat salutem Regibus. Circumspeccio Regum prouida condignis premiis sibi obsequentibus sic debet occurrere, vt alij eorum exemplo prouocati ad fidelitatis studia forcius accendantur. Hac itaque consideracione inducti, merita ac seruicia dilecti et fidelis nostri Thome Comitis filij Abe, que nobis sepe et sepius in expedicionibus ac alijs euentibus nostris fideliter exhibuit, memoriter retinentes, et remuneracione grata, licet non ex condigno, cum omnem affluenciam temporalem transcendat, rependere volentes, quandam terram Castri 226nostri Nytriensis Vduornuc uocabulo, ubi castrenses nostri commorabantur, et ipsis per Tartaros interemptis vacua remanserat et inculta, exceptis quatuor mansionibus castrensium supradictorum ibidem existencium, prememorato Thome Comiti fideli nostro et per eum suis heredibus heredumque successoribus contulimus iure perpetuo possidendam. In cuius terre possessionem corporalem ipsum per dilectum nobis et fidelem Mauricium Magistrum Dapiferorum nostrorum et Comitem eiusdem Castri Nytriensis auctoritate Regia fecimus introduci; memoratis uero quatuor mansionibus castrensium in una parte eiusdem terre per se collocatis, terram ad quatuor aratra sufficientem per iam dictum Mauricium Magistrum certis undique metis distinctam, de terra supradicta fecimus assignari. Vt igitur hec a nobis facta donacio sepedicto Thome Comiti et suis successoribus perpetuo illibata perseueret, nec umquam processu temporum per quempiam in irritum possit aut debeat reuocari, presentes eidem concessimus litteras dupplicis sigilli nostri munimine roboratas. Datum in Zolum anno Domini Mş CCş XLş VIIş secundo idus Augusti, Regni autem nostri anno duodecimo.

(Eredetie bőrhártyán, a királynak kettős, kékvörös selyemzsinóron függő pecsétje alatt, a budai kir. kamarai levéltárban.)