Sanctissimo in Christo patri, domino I. Diuina prouidencia Sacrosancte Romane Ecclesie Summo Pontifici B. Dei gracia Rex Hungarorum recommendacionem cum filiali reuerencia debita et deuota. Negociorum nostrorum seriem seriatim Sanctitati vestre per Deo amabilem virum Jacobum Ministrum 227Fratrum Minorum per Hungariam, vel eo prepedito per fratrem Romanum confessorem nostrum curauimus intimare; quorum dictis vestra credat Sanctitas incunctanter. Vestram igitur Beatitudinem affectuosius requirimus per presentes, quatenus de nostris factis per eosdem vobis expositis, velitis paternaliter prouidere; peticiones nostras, quas fiducialiter per ipsos vobis porreximus, fauorabiliter admittentes. Ad hec petimus, vt latores presencium, cum eorum reditus sit nobis perquam necessarius, dignemini quantocius expedire. Datum apud Castrum Ferreum XVII. kalendas Decembris.

(Dudik Béla közleménye a római Vallicelli-féle könyvtár egyik kézirati codex-éből. Jakab barát 1247. volt a ferenczrendiek magyarországi provinciálisa.)