Innocentius Episcopus servus seruorum Dei dilectis filiis Illustribus Danieli Russie et W. Laudemerie fratri ejus Regibus, et nato ejusdem Danielis salutem et Apostolicam benedictionem. Cum a nobis petitur, quod iustum est et honestum, tam vigor equitatis, quam ordo exigit rationis, ut id per sollicitudinem officii nostri ad debitum perducamus effectum. Eapropter, carissimi in Christo filii, vestris iustis precibus inclinati, recuperandi possessiones, terras, et alia bona ad vos hereditario, vel alio jure spectantia, que alii Reges, qui in Ecclesie devotione non permanent, contra iustitiam detinent, et injurias seculari potentia propulsandi, liberam vobis concedimus auctoritate predicta 234facultatem. Nulli egro omnino hominum liceat hanc paginam nostre concessionis infringere, vel ei ausu temerario coutraire. Si quis autem hoc attemptare presumpserit, indignationem Omnipotentis Dei, et Beatorum Petri et Pauli Apostolorum ejus se noverit incursurum. Datum Lugduni VI. kalendas Septembris, Pontificatus nostri anno quinto.

(Turgenev id. m I. köt. 61. l.)